"Қазақтар сәнге айналды". Dequine мен Dose "Вечерний Ургантта" өнер көрсетті 23 сәуір 2021, 10:14
Танымал қазақстандық әншілер Dequine және Dose "Первый канал" телеарнасында өтетін "Вечерний Ургант" бағдарламасында қонақ болды, - деп хабарлайды Tengrinews.kz тілшісі.
Dequine (шын аты Данеля Садықова - авт.ескерт) және Dose (шын аты Айдос Жұмалинов - авт.ескерт) кеш қонағы болды. Иван Ургант Dose жақында "Пока" альбомын шығарғанын айтты. Қазақстандық әртіс Сюзанна және Dequine сияқты танымал әншілермен ән жазған.
Посмотреть эту публикацию в Instagram
Бағдарламада Dequine мен Dose "Ветер" композициясын орындаған. Сонымен қатар, Ургант кеште Dequine-нің Мәскеуде өнер көрсететінін айтты.
"Мен қазақтарға, олардың музыка саласында талантты екеніне таңғаламын", "Қазақтар сәнге айналды", "Қазақтардың танымалдығы сонша енді ВУ-да көрсетіліп жатыр","Олар әнді қалай таза айтты, әдемі ән, дауыстары керемет, енді жиі тыңдаймын", - деп қолданушылар видеоға пікір қалдырған.
Қазақстандық әнші Dequine мансабын 2016 жылы бастаған. 2019 жылдың жазында ол "Фемида" композициясын шығарып, ол оған үлкен танымалдық әкелген. Ән Apple Music Kazakhstan топ-100-ге кірді. Кейін әнді естіген Warner Music Russia өкілдері орындаушыға хабарласып, 2020 жылдың басында олармен альбом шығару туралы келісімшартқа қол қойды.
Dose - павлодарлық әнші. Apple Music-ке берген сұхбатында "Пока" әнші мен продюсердің алғашқы альбомы екені айтылған. Бірақ оның музыкасы бұрыннан белгілі. Ол Strong Symphony лақапатымен битмейкер ретінде T-Fest-пен "Улети", Pharaoh "Амнезия", Gruppa Skryptonite "Подруги" және Скриптониттің орындауындағы "Океан" танымал әндерін жазуға қатысқан.
Эфир Нұр-Сұлтан уақытымен 02:30-да көрсетіледі.
Сілтемесіз жаңалық оқисыз ба? Онда "ВКонтакте" желісінде парақшамызға тіркеліңіз!
- ПОДЕЛИТЬСЯ