Tengri FM Радиосы Радио Жұлдыз FM Қазақстан заңдары Экономика сабақтары
KZ RU EN
Бізге жазба жолдау +7 (727) 388 8124
искать через Tengrinews.kz
искать через Google
искать через Yandex
USD / KZT - 332.80
EUR / KZT - 390.57
CNY / KZT - 49.88
RUB / KZT - 5.60

Тележүргізуші Иван Ургант анасынан айырылды

01 Ақпан 2015, 22:03
0
Валерия Киселева. ©kino-teatr.ru/
Валерия Киселева. ©kino-teatr.ru/

Ресейдің еңбек сіңірген әртісі Валерия Киселева 64 жасқа таяған шағында қайтыс болды, - деп хабарлайды LifeNews телеарнасы. Ол - танымал тележүргізуші Иван Урганттың анасы.

Телеарнаның хабарлауынша, әртіс өз пәтерінде қайтыс болған. Туыстарының айтуынша, ол созылмалы аурумен ауырмаған, бірақ соңғы күндері тұмау жұқтырған. Өз бетімен емделуді жөн көрген әйел дәрігерлерге қаралмаған. 

1 ақпан күні таңертең Валерий Киселеваның жағдайы күрт нашарлаған. Шақыру бойынша келген жедел жәрдем дәрігерлері әйелдің қайтыс болғанын анықтады. Актриса алты күннен кейін - 7 ақпанда 64 жасқа толуы керек еді. 

Киселеваның қайтыс болғаны анықталғаннан кейін полицияға хабар берілген. "Туыстарының айтуынша, ол тұмаумен ауырған, бірақ дәрігерлерге көрінбеген, өз бетімен емделген. Бұған қоса, әйел ағзаны тазартатын препарат ішкен. Полиция пәтерден препаратты таппады. Туыстары Киселеваның созылмалы аурулармен ауырмағанын да айтты. Тексеру материалдары Тергеу комитетіне берілетін болады. Сот-медицина сараптамасы тағайындалды", - деп хабарлады полицейлер. 

Ресейдің өзге ақпарат құралдарының хабарлауынша, анасының қазасына байланысты тележүргізуші Иван Ургант "Кешкі Ургант" бағдарламасының түсірілімін бірнеше күнге кейінге қалдырды. 

Валерия Киселева 1986 жылдан бері Акимов атындағы Санкт-Петербург комедия академиялық театрында қызмет еткен. 2000 жылы оған "Ресейдің еңбек сіңірген әртісі" атағы берілді. Иван Ургант - оның бірінші күйеуі - Андрей Урганттан туған ұлы, екінші күйеуі - Дмитрий Ладыгиннен актрисаның Валентина, Александра атты екі қызы бар. 


Нравится
Поделиться
Пікір қалдырыңыз
Оқылып жатыр
Талқыланып жатыр
Бүгін
Апта
Ай