Қатында да қайын жұрт бола ма?
Оншақты бала туып, жеткізген Байғанин жағында тұратын бір апамыздың жаңа түскен келінінің туған күнге шақырған хабарын естіп: «Ойбай, көтек, не дейт, қатында да туған күн бола ма екен?» — дегенін бұрын бір жазғанбыз. Туған күнге таңғалып жүрген сол «надан» кемпір «қатында қайын жұрт та» болатынын естісе, бірден сеспей қататын шығар, иә?
Осы күні біздің кейбір келіншектер түскен жұртын «қайын жұрт» деп атауды әдетке айналдырып алды. Осы фб бетінде де: «Қайын жұртқа бара жатырмын...», «Қайын жұртта жүргенде...» — деп әңгіме бастайтындардың біразы журналистер екені өкінішті-ақ. Осылай кете берсек, оншақты жылдан кейін әйелдердің аузымен айтылатын «қайынжұртты» «заңдастырып» аларымыз хақ. Әлгі «атырық» пен жатырықты» немесе «ортақолдың» орнына қолданылатын болған «ортаНқолды» «заңдастырғанымыз» сияқты...
