Tengri FM Радиосы Радио Жұлдыз FM Қазақстан заңдары Экономика сабақтары
KZ RU EN
Бізге жазба жолдау +7 (727) 388 8124
искать через Tengrinews.kz
искать через Google
искать через Yandex
USD / KZT - 332.80
EUR / KZT - 390.57
CNY / KZT - 49.88
RUB / KZT - 5.60

БҰҰ қаржыландыратын жасақ әскерилері Сомали әйелдерін зорлаған

08 Қыркүйек 2014, 14:51
0
©Tengrinews.kz мұрағаты
©Tengrinews.kz мұрағаты

БҰҰ қаржыландыратын Африка одағы қарулы күштерінің сарбаздары Сомали әйелдерін зорлаған, - деп хабарлайды AFP Human Rights Watch баяндамасына сілтеме жасап.

Әскерилердің әрекетінен Сомали астанасы Могадишодағы лагерьлерде тұратын қыз-келіншектер жапа шеккен. Олар 2011 жылғы ашаршылықтан кейін ауылдарынан безіп кеткен болатын. "Зорланған әйелдердің кейбірі жыныстық қатынастан соң жауынгерлердің ақша мен тамақ бергенін айтты", - делінген баяндамада. Құқыққорғаушылар жауынгерлердің азық-түлік қорындағы өнімдерді жыныстық қатынасқа айырбастағанын нақтылайды. Зорлық-зомбылықты, негізінен, Уганда мен Бурунди сарбаздары жасады деп айыпталып отыр. Әскерилердің заңсыздыққа баруына арадағы жергілікті делдалдар да ықпал еткен. 

Айыптау 21 қыз-келіншектің куәлік етуі негізінде жасалды. Ең кішкентай жәбірленушінің жасы - 12-де. Ол өзін угандалық жауынгердің зорлағанын айтты. Басқа жәбірленушілердің айтуынша, олар Африка одағы лагеріне науқас балаларына дәрі-дәрмек сұрап келген. Әскерилер сол кезде зорлық-зомбылық жасаған. Дегенмен әйелдердің тек екеуі ғана ресми түрде шағымданып отыр. Айта кетейік, БҰҰ қаржыландыратын бітімгершілік күштері Могадишоны исламистерден қорғайды. БҰҰ-дан бөлек, жасақтарды Еуропа одағы, Ұлыбритания мен АҚШ та қаржыландырады.

 

 


Нравится
Поделиться
Пікір қалдырыңыз
Оқылып жатыр
Талқыланып жатыр
Бүгін
Апта
Ай