+7 (777) 001 44 99
Қазақша
Русский
English
Қазақша
Русский
English
ПОДЕЛИТЬСЯ
Қаржы министрлігі 2024 жылы Ұлттық қордан қанша қаражат алынатыны және оның қайда жұмсалатынын түсіндірді, - деп хабарлайды Tengrinews.kz тілшісі.
Қаржы министрлігі 2024 жылы Ұлттық қордан қанша қаражат алынатыны және оның қайда жұмсалатынын түсіндірді, - деп хабарлайды Tengrinews.kz тілшісі.
Премьер-министрдің орынбасары - қаржы министрі Ерұлан Жамаубаев үкімет отырысында келер жылы Ұлттық қордан 3,6 триллион теңге көлемінде трансферттер тартылатынын мәлімдеді.
Министрдің айтуынша, бұл қаражат автомобиль жолдарын, жылу, газ және сумен жабдықтау желілерін, инженерлік желілерді жаңғырту, сондай-ақ "Жайлы мектеп" және "Ауылдық денсаулық сақтауды жаңғырту" ұлттық жобалары шеңберінде бірқатар әлеуметтік нысандар салу сияқты әлеуметтік маңызы бар және маңызды инфрақұрылымдық жобаларды іске асыруға бағытталады.
"2024 жылы бюджет тапшылығы жалпы ішкі өнімге (ЖІӨ) 2,6 пайыз деңгейінде болжанады, 2026 жылға қарай ЖІӨ-ге 2,3 пайызға дейін төмендейді. Кіріс мен тапшылықты ескеріп, 2024 жылға арналған бюджет шығыстары 2023 жылға қарағанда 1,5 триллион теңгеге ұлғайып, 24 триллион теңге болады деп жоспарланып отыр. Бюджет шығысы жалпы шығыстың 41 пайызын алады, оның негізгі үлесі әлеуметтік салаға тиесілі", - деді Жамаубаев.
Премьер-министр орынбасарының баяндамасына сәйкес, 2024 жылы әлеуметтік саланың шығыстары 9,9 триллион теңгеге жетіп, 2023 жылға қарағанда 1,4 триллионға ұлғайған.
"Шығыстың өсуінің негізгі факторлары: әлеуметтік төлемдерді - зейнетақы, жәрдемақы мен стипендины индекстеу; әйелдер үшін зейнеткерлік жасты 61 жас деңгейінде тоқтата тұру; бала күтімі бойынша кезеңді бір жарым жасқа дейін ұлғайту; гранттар саны мен стипендияның мөлшерін ұлғайту; азаматтық қызметшілердің, мектепке дейінгі оқыту мен тәрбиелеу педагогтерінің еңбек ақысын ұлғайту; медициналық халық санының және науқастар санының өсуін ескеріп, ТМККК және МӘМС шеңберіндегі көмекпен қамту", - деді Жамаубаев.
Сілтемесіз жаңалық оқисыз ба? Онда Telegram желісінде парақшамызға тіркеліңіз!
