Президент Қасым-Жомарт Тоқаевтың өкімімен Марат Алмасұлы Әзілханов жаңа қызметке тағайындалды, - деп хабарлайды Tengrinews.kz тілшісі.
"Мемлекет басшысының өкімімен Марат Алмасұлы Әзілханов Қазақстан халқы Ассамблеясы Төрағасының орынбасары, Қазақстан Республикасы Президенті Әкімшілігінің Қазақстан халқы Ассамблеясы хатшылығының меңгерушісі лауазымына тағайындалды", - делінген хабарламада.
Әзілханов Марат Алмасұлы 1965 жылы 2 қаңтарда Қызылорда облысында дүниеге келген. Қарағанды мемлекеттік медицина университетін "емдеу ісі" мамандығы бойынша, Ұлттық қауіпсіздік комитетінің академиясын "Құқықтану" мамандығы бойынша бітірген.
Еңбек өтілін 1988 жылы бастаған. 1988-1992 - қалалық аурухананың интерн-дәрігері, Қызылорда қаласы №5 емхананың хирург-дәрігері. 2011-2013 жылдары дін істері агенттігі төрағасының орынбасары қызметін атқарды. 2013-2014 - дін істері агенттігінің төрағасы.
2014-2016 жылдары Мәдениет және спорт вице-министрі болды. 2016-2018 жылдары ҚР Дін істері және азаматтық қоғам министрлігінің жауапты хатшысы болып жұмыс істеді. 2018-2019 - қоғамдық даму министрлігінің Жауапты хатшысы болған.
2019 жылдың сәуірінен бері Ақпарат және қоғамдық даму вице-министрі қызметін атқарған.
Сілтемесіз жаңалық оқисыз ба? Онда "ВКонтакте" желісінде парақшамызға тіркеліңіз!
