+7 (777) 001 44 99
ПОДЕЛИТЬСЯ
Семей қаласына жаңа әкім тағайындалды, - деп хабарлайды Tengrinews.kz тілшісі.
Семей қаласына жаңа әкім тағайындалды, - деп хабарлайды Tengrinews.kz тілшісі.
Жаңа әкім Сақтағанов Нұрымбет Аманұлы Оңтүстік Қазақстан облысында 1970 жылы дүниеге келген. Бұрын әртүрлі лауазымдарды атқарған, соның ішінде ШҚО әкімінің орынбасары бар. Бұған дейінгі қызметі - ШҚО Ұлан ауданы әкімі. Нұрымбет Сақтағанов 2015 жылдың маусымынан бастап қаланы басқарған Ермак Сәлімовтің орнына тағайындалды.
Нұрымбет Сақтағанов Қызылорда педагогикалық институты, Қызылорда аграрлы-техникалық колледжі, Қызылорда экономика, статистика және ақпарат институттарын "мұғалім", "бухгалтер", "заңгер" мамандығы бойынша тәмәмдаған. Еңбек жолын 1992 жылы Қызылорда қаласындағы №172 орта мектепте мұғалім болып бастады. 1995-2001 жылдары Қызылорда облысы бойынша Кеден басқармасында, кейін ҚР Мемлекеттік кіріс министрлігінің Кеден комитетінде жұмыс істеді.
Сондай-ақ, Нұрымбет Сақтағанов ҚР Парламентінде үкіметтің бас инспекторы, ҚР Экономика және бюджеттік жоспарлау министрлігінің бөлім бастығы, министр кеңесшісі болып жұмыс істеді. ҚР Еңбек және халықты әлеуметтік қорғау министрлігінің көші-қон комитеті төрағасының орынбасары қызметін атқарды, Қазақстан Республикасы Президенті Әкімшілігінің мемлекеттік бақылау және аумақтық-ұйымдастыру жұмысы бөлімінің мемлекеттік инспекторы болды. 2012 жылдың қазан айында Шығыс қазақстан облысы әкімінің орынбасары, 2015 жылы Шығыс Қазақстан облыс әкімінің бірінші орынбасары болып тағайындалды. 2018 жылдың мамыр айынан бастап ШҚО Ұлан ауданының әкімі болды.
ШҚО әкімінің баспасөз қызметі, Семей қаласының әкімі қызметін осы күнге дейін атқарған Ермек Сәлім ШҚО әкімінің тұрғын үй-құрылыс мәселелері жөніндегі кеңесшісі болып тағайындалғанын хабарлады.
Сілтемесіз жаңалық оқисыз ба? Онда "ВКонтакте" желісінде парақшамызға тіркеліңіз!
