Реклама +7(700) 388 81 09
  1. Басты
  2. Біл
  3. Техно
  4. Ғылым-Бiлiм

Ғалымдар депрессиямен күресуге арналған ми имплантын ойлап тапты 06 қазан 2021, 16:30

Америкалық ғалымдар депрессиямен күресуге көмектесетін құрылғы жасады, - деп хабарлайды Tengrinews.kz тілшісі New Scientist-ке сілтеме жасай
  • ПОДЕЛИТЬСЯ
  • Vkontakte
  • Facebook
  • Twitter
  • Одноклассники
  • Telegram
Новостью поделились: человек
  • Қате таптыңыз ба?

Кадрдан видеолар Кадрдан видеолар

Америкалық ғалымдар депрессиямен күресуге көмектесетін құрылғы жасады, - деп хабарлайды Tengrinews.kz тілшісі New Scientist-ке сілтеме жасай отырып.

Сан-Францискодағы Калифорния университетінің мамандары ауыр депрессияны анықтау, емдеу үшін эпилепсияға қарсы имплантты сынақтан өткізді. Тәжірибе бір науқасқа жасалған, оның нәтижесі "өмір төңкерісі" деп аталған.

Ғалымдардың айтуынша, сіріңке қорапшасындай құрылғы электрлік сигналдармен ми белсенділігіне әсер етеді. Одан екі сым шығып, миға енгізіледі. Электродтар жүйке жүйесін қалыпқа келтіріп, депрессияға әкелетін сигналдарды тоқтатады.

 Жаңа ғалым

Құрылғы депрессия диагнозы қойылған Сара есімді 36 жастағы науқасқа сәтті сыналған. Батарея мен импульстік генераторы бар кішкене қорап шаш астындағы сүйекке орналастырылған. Сара құрылғыны имплантациялау операциясынан кейін бірден эйфорияны сезінгенін айтқан.

"Имплант алғаш рет енгізілгеннен кейін менің өмірім қайтадан жағымды жаққа өзгерді. Бес жыл ішінде алғаш рет себепсіз, кенеттен күлдім", - деді ол. Әйел құрылғыны бір жылдан бері қолданып келеді, өзінің айтуынша, ол депрессияны жеңді.

Әр 30 минут сайын электродтар сигнал жібереді, құрылғыдағы батареялар 10 жылға жетуі керек. Сара ешқандай жанама әсер болмағанын айтты.

Зерттеуші Кэтрин Скангостың айтуынша, құрылғыны орнатпас бұрын, зерттеушілер Сарада депрессия кезінде белсенді болатын ми аймақтарының картасын жасаған. Бұл проблемалық аймақтарды анықтауға мүмкіндік береді екен.

Имплантты жасаған ғалымдар жеке зерттеуді қажет ететіндіктен және әр науқастың ми аймағының жеке карталарын жасау керек болғасын, құрылғының басқа науқастарға қаншалықты пайдалы болатынын айтуға әлі ерте дейді. Толық зерттеу үшін бірнеше жыл қажет екен, бірақ мамандар ұқсас құрылғыларды дамытуды жалғастыруға ниет білдіріп отыр.

Зерттеу нәтижелері Nature Medicine журналында жарияланды.

Сілтемесіз жаңалық оқисыз ба? Онда Telegram желісінде парақшамызға тіркеліңіз!

Подпишись на почтовую рассылку Tengrinews.kz. Получай все самое главное за неделю каждую пятницу на свой адрес.


Join Telegram
Төреғали Төреәлі ұсталды
Астанада алғашқы қар жауды
Тоқаев Абай облысына барды