Әнші Асхат Тарғын бірінші әйелімен не себепті ажырасқанын айтты

29 Мамыр 2018, 18:57
0
Әнші Асхат Тарғын бірінші әйелімен не себепті ажырасқанын айтты - © instagram.com/askhat_targin
© instagram.com/askhat_targin

Қазақстандық әнші Асхат Тарғын бірінші әйелімен не себепті ажырасқанын айтты, - деп хабарлайды Tengrinews.kz тілшісі. Бұл туралы ол бүгін 7 арнада "Күдік туғызған күйеулер" тақырыбы қозғалған "Өз ойым" бағдарламасында айтып берді.

Әншінің айтуынша, бірінші әйелімен ажырасуындағы бірден-бір себеп - қызғаныш. "Қызғаныш та бар, бір жағынан біз бір-бірімізді түсіне алмадық. Оның басқа ойы, көздеген мақсаттары болды, мінезіміз сәйкес келмеді. Алдыңда не күтіп тұрғанын білмейсің. Сүйдік-күйдік, үйлендік. Дегенмен небәрі үш жыл ғана бірге тұрдық ", - деді ол.

Сондай-ақ, әнші бірінші әйелімен арасында бір қыз баласының бар екенін айтты. "Мен үйдің кенжесі болғандықтан, әке-шешемді бағып, олармен бірге тұруым керек. Әйелім ата-анамен тұрғысы келмеді. Ойымыз бір жерден шықпай, отбасымызды сақтай алмадық", - деп ашығын айтты Асхат Тарғын. Алайда, әнші әйеліне қол көтерген кезі болмағанын айтты.

Әншінің сөзінше, қазіргі әйелімен еш қызғанышсыз, тату-тәтті өмір сүріп жатыр. 

Айта кетейік, Асхат Тарғын 2017 жылы 23 жастағы Әлия есімді қызбен шаңырақ көтерген еді. 


© instagram.com/askhat_targin

Получить короткую ссылку


  • Подписаться на канал новостей TengriNews:

  • Google News
  • Yandex News
  • Yandex Zen

Нравится Поделиться
Пікір қалдырыңыз
Оқылып жатыр
Талқыланып жатыр
Бүгін
Апта
Ай