Белгілі продюсер Баян Алагөзованың қызы Айсәуле Бақытбекке сүйіктісі үйлену туралы ұсыныс жасады, - деп хабарлайды Tengrinews.kz тілшісі.
Айсәуле осыған байланысты Instagram желісінде сурет жариялады.
"Бүгін мен әлемнің ең күшті жігітінің қалыңдығы болдым", - деп жазды ол сурет сипаттамасына.
Геолокацияға қарағанда, Айсәулеге сүйіктісі ұсынысын "Шымбұлақ" тау шаңғы курортында жасаған.
© instagram.com/aissaulebakytbek
Мұның алдында Айсәуле сүйіктісінің есімі Әлішер екенін және онымен кездесіп жүргеніне көп болғаны жайлы жазба қалдырған еді.
"Келешекте ойлаған арман-мұратымызға жетіп, тойымызда 50 Cent атақты Сandy shop әнін орындайды, достар естен танғанша ішіп, махаббатымыздың ыстық екені жайлы сөз сөйлейді (...) Бұл дүниеде барыңа рақмет. Әлішер. Менің ұлы арыстаным", - деп жазған Айсәуле.
