Джеки Чан Астанада Димаш Құдайбергенмен бірге ән айтты

07 Маусым 2017, 18:09
0
Джеки Чан Астанада Димаш Құдайбергенмен бірге ән айтты - Димаш Құдайберген мен Джеки Чан
Димаш Құдайберген мен Джеки Чан

Астанада Қазақстан-Қытай кинофестивалі аясында белгілі актер Джеки Чан қазақстандық әнші Димаш Құдайбергенмен бірге ән айтты - деп хабарлайды Tengrinews.kz тілшісі.

Джеки Чан кинофестиваль барысында көрермендерге өзінің жаңа фильмі "Кунг-фу йоганы" таныстырды. Қазмедиаорталықтың киноконцерт залында актер өзінің бір әнін орындады, ал кейіннен сахнаға Димаш Құдайберген шықты.

Қазақстандық әнші ешбір музыканың сүйемелдеуінсіз әнді қытай тілінде орындап шықты.

Осыған дейін актер Қазақстанға келіп, осында кинематографиямен айналысуды армандайтынын айтқан еді. 

Аты аңызға айналған актер Джеки Чан кеше Қазақстанға ұшып келген болатын. Астана әкімі Әсет Исекешев әйгілі актерді әуежайдан өзі күтіп алды.

Айта кетейік, 2017 жылдың 7-18 маусым аралығында Астанада Қазақстан-Қытай кинофестивалі өтеді. 63 жастағы Джеки Чан Қазақстанға осы шараға қатысу үшін келіп отыр.


  • Подписаться на канал новостей TengriNews:

  • Google News
  • Yandex News
  • Yandex Zen

Нравится Поделиться
Пікір қалдырыңыз
Оқылып жатыр
Талқыланып жатыр
Бүгін
Апта
Ай