+7 (777) 001 44 99
Қазақша
Русский
English
Павлодарда Кеңес Одағының батыры, халық қаһарманы, екінші дүниежүзілік соғыстың даңқты жауынгері, жазушы Бауыржан Момышұлының шипажайда түскен суреттері табылды, - деп хабарлайды Pavlodarnews.kz.
Суретті Павлодардың тұрғыны Несібелді Әбдікәрімованың туыстары сурет альбомын қарап отырып тауып алған.
"Анам Несібелді Әбдікәрімова 1975 жылы "Сарыағаш" шипажайына демалуға барғанда Бауыржан Момышұлын кездестірген. Баукең суретке түсуді ұната қоймайтын. Сондықтан демалушылар ол кісіге жақындай алмай жүр екен. Дегенмен анам өзінінің пысықтығы мен тапқырлығының арқасында аңыз адаммен суретке түсіпті. Тіпті, бір суретте екеуінің әңгімелесіп келе жатқанын көруге болады, бірақ не жайлы сөйлескендері біздің есімізде қалмағаны өкінішті", - деді Несібелді Әбдікәрімованың қызы Сайрам Аяшинова.
