"Көзіме еріксіз жас келді". Жұмбақ жігіт Желіні тамсандырды

"Маска таққан адам" игі істерімен Желі қолданушыларын тамсандырып жүр. Қарттарға жәрдемдесіп, балаларды қуантып, қиын жағдайда қалған отбасыларға көмектесетін жұмбақ жігіт туралы Tengrinews.kz тілшісі мәлімет жинап шықты.

Есімін жасырғанымен ізгі істерін көпшілікке жария етіп жүретін жас жігіт туралы бұған дейін де жазғанбыз. Ол - Орал қаласының тумасы, жасы 25-те. Ол мейірімнің аты мен түрі болмайды деген қағиданы ұстанады. Сондықтан болар өзін "Маска таққан адам" деп атайды.

Автордың кейінгі жариялаған видеосынан көшеде балмұздақ сатып тұрған саудагердің бүкіл тауарын сатып алып, балаларға таратып бергенін көруге болады. Видеода балмұздақ алып, мәз болған балалардың эмоциясы байқалады. Оған қоса, жұмбақ жігіт қарияларға ақша таратып, метрода жолаушыларға жол ақысын төлеп береді. 

Посмотреть эту публикацию в Instagram

Публикация от Человек в маске (@chelovekvmaskee)

"Маска таққан адамның" көпшілікке көмегі мұнымен аяқталмайды. Ол көбіне мұқтаж адамдарға көмектесу керек деген ойда. "Бірақ мен адамдарды бөлмеймін", - дейді ол. Жұмбақ жігіт балаларға да, ересектерге де, жануарларға да көмектескісі келеді. Оны "Маска таққан адамның" Instagram-парақшасынан да байқауға болады.

Посмотреть эту публикацию в Instagram

Публикация от Человек в маске (@chelovekvmaskee)

Сондай-ақ, ол күнұзаққа саудамен айналысуға мәжбүр қарттарға қаржылай көмек беріп, дүкендерде қарияларға сауда ақысын төлеуге көмектеседі. Одан бөлек қиын жағдайға тап болған отбасыларға, баласының денсаулығына байланысты қаржыға мұқтаж ата-аналарға жәрдемдеседі.

"Жақсылық таралып, адамдар тағдырындағы игі өзгерістерге себеп болатын қасиетке ие. Тек мейірімді, білімді адамдар ғана елімізді қажетті деңгейге көтере алады", - дейді "Маска таққан адам".

Посмотреть эту публикацию в Instagram

Публикация от Человек в маске (@chelovekvmaskee)

"Маска таққан адамды" қолдаушылар да көп. Мұны автордың жеке парақшасына жазылған оқырман санынан байқауға болады. Әрі жазбадағы пікірлер де осыған айғақ.

"Мақтауға тұрарлық іс!", "Көзіме еріксіз жас келді. Керемет! Алла жар болсын сізге", "Жарайсың", "Шын жүректен ризамын сенің істеп жүрген істеріңе!", "Бәріне үлгі", - деген пікірлер қалдырған оқырман.

Автордың өзі бұл ісін тоқтатпайтынын айтады.

"Әрине, мұнымен тоқтап қалмаймыз: болашақта да адамдарға тек жақсылық пен бақыт сыйлап, игі істі көбейте береміз. Сол арқылы әлемді жақсы жаққа өзгертеміз", - дейді жұмбақ жігіт.

Сілтемесіз жаңалық оқисыз ба? Онда Telegram желісінде парақшамызға тіркеліңіз!