Никарагуада 25 жастағы әйел "жын шығару" рәсімі кезінде қайтыс болды. Шіркеу қызметкері әйелді бірінші өртеп, артынша жыраға лақтырып жіберген.
Қайғылы оқиға автономиялық өңірдегі Атлантико-Нортеде болған. РИА Новости жергілікті БАҚ өкілдеріне сілтеме жасап, әйел адамның денесінің 80 пайызы күйіп қалғанын және сейсенбіде ауруханада жатып қайтыс болғанын айтады. Полиция осы іс бойынша бес күдіктіні ұстаған.
Билік өкілдері осы қылмысты істегендерді қатаң жазалап, осындай істің қайталануына жол бермеу керек екенін айтады.
