04 шілде 2021 | 12:53

Оң қолы шынтағынан кесілген қария домбыраны өмірлік серік еткен

viewings icon comments icon

ПОДЕЛИТЬСЯ

whatsapp button telegram button facebook button
Фото: "Хабар 24" Фото: "Хабар 24"

Қостанай облысы Қарасу ауылында саусақ орнына сым байлап, қос ішекке тіл бітірген күйші тұрады. Айтбай Мұздаханов оң қолы шынтағынан кесілсе де домбырасын тастамады. Жүрек үнін киелі аспаппен жеткізіп, халыққа жүздеген туындысын тарту етті. Ата жолын бүгінде ұрпағы жалғап келеді, - деп хабарлайды "Хабар 24" телеарнасы. 

whatsapp button telegram button facebook button copyLink button
Иконка комментария блок соц сети

Қостанай облысы Қарасу ауылында саусақ орнына сым байлап, қос ішекке тіл бітірген күйші тұрады. Айтбай Мұздаханов оң қолы шынтағынан кесілсе де домбырасын тастамады. Жүрек үнін киелі аспаппен жеткізіп, халыққа жүздеген туындысын тарту етті. Ата жолын бүгінде ұрпағы жалғап келеді, - деп хабарлайды "Хабар 24" телеарнасы. 

Тағдыр Айтбай Мұздахановтың қолын кескенімен өнердегі жолын кесе алмады. 1977 жылы 36 жасында өндірістік жарақат алған ол, басқа түскен тауқыметке мойымады. Екі қолда үш саусағы ғана қалған өнерпаз домбырамен қайта достасты. 

"Күй шығарғанда бір тақырып аламын, кішкентай ғана бір. Сөзді алып, соның желісімен кетемін. Негізі домбыра сөйлеуі керек. Құр тарсылдатып ұра берген болмайды. Мысалы, менің "32 жыл" деген күйім бар, ол "апа, апа, нан берші" деп сөйлеп тұрады", - дейді Айтбай Мұздаханов. 

Бүгінде өнерпаздың жетпіске тарта күйі, қырықтан астам әні бар. "Бабалар үні" жинағының авторы. Оның айтуынша, күй өнері атасы Молдаштан дарыған. Әке жолын жалғаған қызы Анар Мұздаханова дәулескер домбырашы. Немерелері де өнерге әуес.

"Анар тәтем бар ғой, сол кісіге қарап, сол кісіні үлгі тұтып, сол кісі сияқты болсам деген бала күнімде арманым болған. Әрбір қазақ домбыра тарта білу керек деп білемін өзім. Ешқандай артықшылығы жоқ, қазіргі балалар хобби ретінде тартса да", - дейді немересі Рысты Мұздаханова. 

Айтбай Мұздахановты жерлестері кездесулерге жиі шақырады. Ол жас буынмен кездесіп, ұлттық өнер жайлы әңгімелеуден жалыққан емес.

"Домбыра қазақта қастерлі болып есептеледі. Әрбір үйдің төрінде тұруы керек. Қадыр Мырзалиев деген аталарыңның сөзі бар: "нағыз қазақ қазақ емес, нағыз қазақ домбыра" деген, себебі домбыра деген барлығын айтады", - дейді күйші. 

Айтбай Мұздахановтың арнайы музыкалық білімі жоқ. Негізгі мамандығы электр-механик. Қария биыл сексеннің сеңгіріне шығады. 

Сілтемесіз жаңалық оқисыз ба? Онда Telegram желісінде парақшамызға тіркеліңіз!

Читайте также
Join Telegram Последние новости
Лого TengriNews мобильная Лого TengriLife мобильная Лого TengriSport мобильная Лого TengriAuto мобильная Иконка меню мобильная
Иконка закрытия мобильного меню
Открыть TengriNews Открыть TengriLife Открыть TengriSport Открыть TengriAuto Открыть TengriTravel Открыть TengriEdu Открыть TengriGuide

Валюта бағамы

 530.2  course up  543.85  course up  5.17  course up

 

Ауа райы

 

Редакция Жарнама
Социальные сети
Иконка Instagram footer Иконка Telegram footer Иконка Vkontakte footer Иконка Facebook footer Иконка Twitter footer Иконка Youtube footer Иконка TikTok footer Иконка WhatsApp footer