Таразда хирургтар 11 жастағы қыздың асқазанынан бір келіден аса шаш алды. 52 сантиметрлік үйіскен шаш қыздың асқазаны мен ішегінің бір бөлігіне тұрып қалған, - деп хабарлайды КТК.
Іші ауырған қыз ауруханаға түнгі уақытта түскен. Ол тамақ та, су да іше алмаған. Дәрігерлер ота кезінде ғана оның ішінде не бар екенін анықтай алды. Үлкен ұйысқан шаштың 17 сантиметрі қыздың асқазанына, 35 сантиметрі ішегіне тұрып қалған. Мамандардың пікірінше, ішекте мұндай көлемде шаш неврологиялық ауруға шалдыққан адамдарда жиналады. Олар абыржыған кезде тырнағын немесе шашын тістелей бастайды екен.
Дереккөз: КТК
