Ауғанстан тұрғындары елдегі зорлық-зомбылық көрсеткіші төмендегеніне қарамастан, әлі де үйлерін тастап кетіп жатыр, - деп хабарлайды Tengrinews.kz тілшісі Reuters агенттігіне сілтеме жасап.
Халықаралық көші-қон ұйымының бас директоры Антонио Виторино Ауғанстанда құрлық шекарасынан өтетіндер саны да артқанын айтты.
©REUTERS
"Өткен аптада халықтың қозғалысына қатысты шұғыл тергеуді бастадық, қақтығыстар саны азайғанына қарамастан, әлі де кетіп жатқандар бар. Ауылдық жерлердегі экологияның бұзылуы нәтижесінде, негізінен, қалалық жерлерге көшу деңгейі артқаны тіркелді", - деді Біріккен Ұлттар Ұйымы (БҰҰ) көші-қон агенттігінің басшысы.
Ол шекаралас елдерге баратын ауғандар санының көбеюі "жаппай кету" емес, көбіне бейресми бағыттар, сондықтан қадағалау қиын екенін айтты.
Бұған дейін БҰҰ-ға мүше елдер Ауғанстанға гуманитарлық көмек үшін 1 миллиард доллардан аса қаражат бөлуге уәде бергені айтылған еді.
Сілтемесіз жаңалық оқисыз ба? Онда Telegram желісінде парақшамызға тіркеліңіз!