+7 (777) 001 44 99
ПОДЕЛИТЬСЯ
Қырғызстанда Бакиевтер отбасын ағылшын кәсіпкері Шон Дэйлиді өлтіруге әрекеттенді деп айыптау жөніндегі сот процесі басталады деп хабарлайды Tengrinews.kz тілшісі елдің Жоғарғы сотының баспасөз қызметінің ақпараты бойынша. Бұл оқиға 2006 жылдың 7 шілдесінде болған. Белгісіз біреу бизнесменнің ту сыртынан оқ атып, ізін жасырған. Дер кезінде медициналық жәрдем көрсетілген Дэйли аман қалды. Тергеушілер 2005 жылдың соңында Максим Бакиевтің өз әкесі - бұрынғы президент Құрманбек Бакиевпен бірге "Джеруй" кен орнынан алтын өңдеуге заңсыз түрде айрықша құқық иеленуге және кейін оны қайта сатуға тырысқанын анықтады. Ол кезде кен орнын пайдалану лицензиясы Oxus Gold компаниясына тиесілі болған, Шон Дэйли - сол компанияның өкілі. Оның инвестициялық ұсыныстары бойынша кен орнындағы Қырғызстанның үлесі 50% болуы керек. Алайда, тергеудің мәліметінше, Құрманбек Бакиев ағылшын компаниясымен ынтымақтастықтан бас тарту туралы заңсыз жарлық шығарған. "Максим Бакиев Шон Дэйлидің қоғамдық серпіліс туғызған ұсынысы алтын кенішін иелену туралы қылмыстық мақсатты жүзеге асыруға кері әсер ететінін білген. Сондықтан Қырғызстан Ұлттық қауіпсіздік кеңесі төрағасының көмекшісі болып қызмет ететін бауыры Марат Бакиевпен және Мемлекеттік ұлттық қауіпсіздік комитеті төрағасының бірінші орынбасары болып қызмет еткен ағайыны Жаныбек Бакиевпен Шон Дэйлиді өлтіруді ойластырған. Максим оларға әкесінің Дэйлиді өлтіру туралы нұсқауын жеткізген", - делінген қылмыстық іс материалдарында. Тапсырыспен кісі өлтіру дерегіне қатысты материалдар сотқа жіберілді. 27 ақпанда Бішкектің Бірінші май аудандық соты істі қарауды бастайды. Іс бойынша айыпкерлер - Құрманбек, Жаныбек, Максим, Марат Бакиевтер.
Қырғызстанда Бакиевтер отбасын ағылшын кәсіпкері Шон Дэйлиді өлтіруге әрекеттенді деп айыптау жөніндегі сот процесі басталады деп хабарлайды Tengrinews.kz тілшісі елдің Жоғарғы сотының баспасөз қызметінің ақпараты бойынша.
Бұл оқиға 2006 жылдың 7 шілдесінде болған. Белгісіз біреу бизнесменнің ту сыртынан оқ атып, ізін жасырған. Дер кезінде медициналық жәрдем көрсетілген Дэйли аман қалды. Тергеушілер 2005 жылдың соңында Максим Бакиевтің өз әкесі - бұрынғы президент Құрманбек Бакиевпен бірге "Джеруй" кен орнынан алтын өңдеуге заңсыз түрде айрықша құқық иеленуге және кейін оны қайта сатуға тырысқанын анықтады.
Ол кезде кен орнын пайдалану лицензиясы Oxus Gold компаниясына тиесілі болған, Шон Дэйли - сол компанияның өкілі. Оның инвестициялық ұсыныстары бойынша кен орнындағы Қырғызстанның үлесі 50% болуы керек. Алайда, тергеудің мәліметінше, Құрманбек Бакиев ағылшын компаниясымен ынтымақтастықтан бас тарту туралы заңсыз жарлық шығарған.
"Максим Бакиев Шон Дэйлидің қоғамдық серпіліс туғызған ұсынысы алтын кенішін иелену туралы қылмыстық мақсатты жүзеге асыруға кері әсер ететінін білген. Сондықтан Қырғызстан Ұлттық қауіпсіздік кеңесі төрағасының көмекшісі болып қызмет ететін бауыры Марат Бакиевпен және Мемлекеттік ұлттық қауіпсіздік комитеті төрағасының бірінші орынбасары болып қызмет еткен ағайыны Жаныбек Бакиевпен Шон Дэйлиді өлтіруді ойластырған. Максим оларға әкесінің Дэйлиді өлтіру туралы нұсқауын жеткізген", - делінген қылмыстық іс материалдарында.
Тапсырыспен кісі өлтіру дерегіне қатысты материалдар сотқа жіберілді. 27 ақпанда Бішкектің Бірінші май аудандық соты істі қарауды бастайды. Іс бойынша айыпкерлер - Құрманбек, Жаныбек, Максим, Марат Бакиевтер.
