АҚШ президенті Джо Байден егер Ресей Украинаға басып кірсе, Ресей президенті Владимир Путинге қарсы санкциялар қолдануды қарастыратынын айтты, - деп хабарлайды Tengrinews.kz тілшісі Bloomberg-ке сілтеме жасап.
Байден Путинге қарсы санкциялар шабуыл болған жағдайда Ресей көретін "ауыр зардаптарының" бір бөлігі болатынын айтып отыр. Ол сондай-ақ Путин Украинамен шекараға тартылған жүз мыңнан аса әскермен не істейтінін білмейтінін атап өтті.
"Менің ойымша, тіпті өз адамдары оның не істейтінін нақты білмейді", - деді Байден.
Бұған дейін Байден Украинаны басып алған жағдайда Ресейді доллардан "кесіп тастау" туралы айтқан болатын.
Сілтемесіз жаңалық оқисыз ба? Онда Telegram желісінде парақшамызға тіркеліңіз!
