Демократиялық партия өкілі Джо Байден сайлауда жеңілгенін мойындамай отырған қазіргі президент Дональд Трамптың әкімшілігін сотқа беруді жоспарлап жүргенін айтты, - деп хабарлайды РИА Новости.
Байденге баспасөз мәслихатында биліктің ресми берілуіне рұқсат етуі керек әкімшілік пен Жалпы қызметтер басқармасына (GSA) қарсы шағым болатынын жоққа шығарасыз ба, деген сұрақ қойылды.
"Біз мұны жоққа шығармаймыз", - деп жауап берді Байден.
Ол Трамптың сайлаудағы жеңіліс тапқанын мойындағысы келмеуі - жауапсыздық екенін де айтты.
"Демократияның қалай жұмыс істейтіні туралы бүкіл әлемге өте жаман хабарлар жетіп жатыр. Менің ойымша, бұл мүлде жауапсыз", - деп қосты саясаткер.
Сілтемесіз жаңалық оқисыз ба? Онда "ВКонтакте" желісінде парақшамызға тіркеліңіз!
