Қолында пышағы бар тонаушы CNN Brasil тілшісін тікелей эфирде тонады, - деп хабарлайды Tengrinews.kz тілшісі.
Тілші Бруна Маседо Сан-Паулу көшелерінің бірінде тікелей эфир жүргізеді. Көпірде тұрған тонаушы ұзақ уақыт бойы түсірілім тобын аңдыған. Кейін ол тілшінің қасына келеді де, бір затпен қорқыта бастайды. Кейін БАҚ-та оның қолында пышақ болғаны хабарланды.
Кейін жүргізуші тілшінің екі телефонын алып кеткенін, бірақ өзі аман-есен екенін мәлімдеді. Полиция тонаушыны бірнеше сағаттан кейін ұстаған.
Осы жағдайдан кейін тілшіні әлеуметтік желі пайдаланушылары қолдады және Бруна Маседо оларға Instagram желісінде алғыс айтты.
Айта кетейік, бұған дейін Атырау қаласында дәріхана тоналғаны белгілі болды.
Қазақстан жаңалықтары. Соңғы жаңалықтар. Telegram желісінде бізге жазыл!