Франция парламенті елде төтенше жағдай режимін шілденің 10-ына дейін ұзарту туралы заң жобасын мақұлдады, - деп хабарлайды "Хабар 24".
Дереккөз мәліметінше, осыған дейін құжат Франция сенатында дауысқа салынған болатын. Оны 252 парламент мүшесі қолдаса, 87 депутат қарсы шыққан.
Дегенмен Францияда үкіметінің төтенше жағдай режимі кезінде парламентпен ақылдаспай-ақ әлеуметтік қозғалысты шектеп, кейбір кәсіпорындарды жауып немесе коменданттық сағат орнатуы мүмкін екені айтылады.
Айта кетейік, жалпы Францияда пандемияға байланысты төтенше жағдай режимі наурыздың 24-і басталған болатын. Елде бүгінде коронавирус жұқтырғандардың саны 139 мыңнан асқан, ал қайтыс болғандардың саны 26 мыңнан асады.
Қазақстан жаңалықтары. Соңғы жаңалықтар. Telegram желісінде бізге жазыл!
