1. Басты
  2. Біл
  3. Жаңалықтар
  4. Жаһан

Индонезияда туристік аралда жер сілкінісінен 14 адам қаза тапты

© CNN © CNN

Кеше, 29 шілдеде Индонезияның Ломбок (Lombok) аралында күші 6,4 балл болатын жер сілкінісі тіркеліп, салдарынан кем дегенде 14 адам қаза тапты, - деп хабарлайды CNN.

Табиғи апаттармен ұлттық күрес агенттігіндегілердің мәліметінше, төтенше жағдайдан шамамен 162 адам зардап шекті. Сондай-ақ, 1 000-нан аса үйдің қирағаны айтылады.

Басылымның мәліметінше, қаза тапқандардың арасында Малайзия азаматтары да бар.

АҚШ-тың Геологиялық қызметінің мәліметінше, жер сілкінісі жергілікті уақыт бойынша шамамен сағат 05.45-те болған, тереңдігі 7,5 шақырымға жеткен.