Жерге қарай 20 метрлік астероид жақындап келеді

05 Қыркүйек 2014, 13:09
0
Жерге қарай 20 метрлік астероид жақындап келеді - Фото naukas.com сайтынан алынды
Фото naukas.com сайтынан алынды

Жерге қарай 20 метрлік астероид жақындап келеді, оның жермен арақашықтығы 40 мың шақырымды құрайды, алайда ол ғаламшарға қауіп туғызбайды, - деп хабарлайды РИА Новости NASA ғарыш агенттігіне сілтеме жасап. 

Мамандардың есебінше, астероид 2014 RC Астана уақытымен сағат 00:18-де Жаңа Зеландия аймағына жақындайды. Ғалымдар бұл астероид орбитасы мен Жердің орбитасы арасындағы қашықтық 40 мың шақырымды құрайтынын айтып отыр.

Астероид жерге қаншалықты жақындап келе жатса да, ол тұрғындарға және коммуникациялық спутниктердің жұмысына қауіп туғызбайды. Астероидтың жердің қасынан өтіп бара жатқанын тұрғындар телескоптың көмегімен көруіне болады екен. 

Астероид 2014 RC алғаш рет 31 тамызда американдық ғалымдардың байқауымен Аризон штатында табылған болатын. Кейін ол туралы мағлұматтар Массачусетс штатында орналасқан Кэмбридж жас ғаламшарлар орталығына жіберілген. NASA агенттігінің хабарлауынша, астероидтың жүру қозғалысы оның болашақта жерге тағы да жақындауы мүмкін екендігін аңғартады. Бірақ оның өзінде де ол ғаламшарға қауіп төндірмейтін көрінеді. 


  • Подписаться на канал новостей TengriNews:

  • Google News
  • Yandex News
  • Yandex Zen

Нравится Поделиться
Пікір қалдырыңыз
Оқылып жатыр
Талқыланып жатыр
Бүгін
Апта
Ай