+7 (777) 001 44 99
ПОДЕЛИТЬСЯ
Канада премьер-министрі Джастин Трюдо ресейлік шикі мұнайды импорттауға тыйым салатынын мәлімдеді, - деп хабарлайды Tengrinews.kz тілшісі Reuters агенттігіне сілтеме жасап.
Канада премьер-министрі Джастин Трюдо ресейлік шикі мұнайды импорттауға тыйым салатынын мәлімдеді, - деп хабарлайды Tengrinews.kz тілшісі Reuters агенттігіне сілтеме жасап.
Трюдо мұнайдан түскен табыс Ресей президенті Владимир Путин мен ресейлік олигархтарды қолдауға көмектескенін айтты.
"Ресейден импортталатын шикі мұнайға тыйым салатынымызды жариялаймын. Мұнайдан түскен пайда президент Путин мен оның олигархтарына үлкен пайда әкелді", - деді Канада премьер-министрі және ол Украинаны қолдауды жалғастыратынын айтты.
We also intend to ban all imports of Russian crude oil. The sector accounts for more than one third of Russia’s federal budget revenue and, even though Canada has barely imported any Russian oil and gas in recent years, this move sends a powerful message.
— Justin Trudeau (@JustinTrudeau) February 28, 2022
Ресейге қарсы қойылған Батыс санкциялары тек банктерге бағытталған, бірақ олар Ресейден мұнай мен газ экспортын әлі де қабылдайды. Ал Канаданың Еуропадан айырмашылығы, Ресейдің мұнай экспортына тәуелді емес.
Канада статистикасының мәліметі бойынша, 2021 жылы Оттава 289 миллион канадалық доллардың энергия өнімдерін импорттады. Канаданың өзі әлемдегі төртінші ірі мұнай өндіруші. Әзірге тыйым тек шикі мұнайға қатысты, бірақ үкімет басқа да шектеулерді қарастырып жатқанын үкіметтегі дереккөз Reuters агенттігіне хабарлаған.
Ал Еуропа ресейлік өнімдерге тәуелді. Себебі, Еуропалық Одақтағы мұнай импортының төрттен бірі Ресейден келеді.
Сілтемесіз жаңалық оқисыз ба? Онда Telegram желісінде парақшамызға тіркеліңіз!
