+7 (777) 001 44 99
ПОДЕЛИТЬСЯ
Қазақстан азаматтары Украинада қаза тапқандардың рухына арнап, тағзым етті деп хабарлайды Tengrinews.kz. 20 ақпан Украинада тәртіпсіздік кезінде қаза тапқандарды аза тұту күні болып белгіленген еді. Соған байланысты Алматыдағы Украина консулдығы алдына 50-ге жуық адам жиналды. Олардың арасында студенттер, қоғам қайраткерлері, саясаттанушылар болды. Жиналғандар Украинадағы тәртіпсіздік құрбандарының құрметіне бір минут үнсіздік арнады, гүл әкеліп, көңіл білдірді, шырақ жағысты. Қазақстан мен Украинаның тулары жайылды. Негізі, консулдықта бүгін қаралы күнге байланысты Украина туы түсірілген болатын. Украина бас консулының міндетін атқарушы Сергей Бобожко жиналғандардың алдына шығып сөз сөйледі. "Мен Қазақстан халқына қоңырау шалып жатқандары үшін алғыс білдіргім келеді. Украина азаматтары үшін қайғырғандарыңызға, ізгілік білдіргендеріңізге алғыс айту үшін шықтым. Қазақстандықтар тарапынан оқиғаны саясиландыруды көздеген көзқарастың байқалмағанын атап өткім келеді. Бәрі болған жайтқа түсіністікпен қарап, қайғыға ортақтасу ниетін білдіріп жатыр", - деді Бобожко. Еске сала кетейік, үш күннен бері Украинада тәртіпсіздіктер одан әрі ушығып кетті. Соңғы мәлімет бойынша 35 адам қаза тапты. Үш күн ішінде 110 тәртіп сақшысы оқтан жараланған.
Қазақстан азаматтары Украинада қаза тапқандардың рухына арнап, тағзым етті деп хабарлайды Tengrinews.kz.
20 ақпан Украинада тәртіпсіздік кезінде қаза тапқандарды аза тұту күні болып белгіленген еді. Соған байланысты Алматыдағы Украина консулдығы алдына 50-ге жуық адам жиналды. Олардың арасында студенттер, қоғам қайраткерлері, саясаттанушылар болды. Жиналғандар Украинадағы тәртіпсіздік құрбандарының құрметіне бір минут үнсіздік арнады, гүл әкеліп, көңіл білдірді, шырақ жағысты. Қазақстан мен Украинаның тулары жайылды. Негізі, консулдықта бүгін қаралы күнге байланысты Украина туы түсірілген болатын.
Украина бас консулының міндетін атқарушы Сергей Бобожко жиналғандардың алдына шығып сөз сөйледі. "Мен Қазақстан халқына қоңырау шалып жатқандары үшін алғыс білдіргім келеді. Украина азаматтары үшін қайғырғандарыңызға, ізгілік білдіргендеріңізге алғыс айту үшін шықтым. Қазақстандықтар тарапынан оқиғаны саясиландыруды көздеген көзқарастың байқалмағанын атап өткім келеді. Бәрі болған жайтқа түсіністікпен қарап, қайғыға ортақтасу ниетін білдіріп жатыр", - деді Бобожко.
Еске сала кетейік, үш күннен бері Украинада тәртіпсіздіктер одан әрі ушығып кетті. Соңғы мәлімет бойынша 35 адам қаза тапты. Үш күн ішінде 110 тәртіп сақшысы оқтан жараланған.
