Реклама +7(700) 388 81 09
  1. Басты
  2. Біл
  3. Жаңалықтар
  4. Жаһан

Қытайда карантинге наразылық білдірушілер Си Цзиньпинді биліктен кетуге шақырды 28 қараша 2022, 12:50

Қытайдың ірі қалаларында карантинге қарсы жаппай наразылық акциялары өтті, - деп хабарлайды Tengrinews.kz тілшісі Daily Mail басылымына сілтеме
  • ПОДЕЛИТЬСЯ
  • Vkontakte
  • Facebook
  • Twitter
  • Одноклассники
  • Telegram
  • WhatsApp
  • Қате таптыңыз ба?

Қытайдың ірі қалаларында карантинге қарсы жаппай наразылық акциялары өтті, - деп хабарлайды Tengrinews.kz тілшісі Daily Mail басылымына сілтеме жасап.

Басылым мәліметінше, Қытайдың ірі қалаларында ел билігі SARS-CoV-2 коронавирусымен күресуге байланысты қойылған қатаң карантин шараларына қарсы жаппай наразылықтар жалғасты.

Бейжіңде демонстранттар дипломатиялық квартал маңындағы көшелерге наразылық белгісі ретінде "Си Цзиньпин, отставкаға кет, коммунистік партия, отставкаға кет" деп ұрандатып, "Шыңжаңды ашыңдар, Қытайды ашыңдар" және "біз ПТР сынақтарын тапсырмаймыз, біз еркіндікті қалаймыз" деген жазуды плакатқа жазып шыққан. Полиция наразылыққа шыққандарды ұстады, ұсталғандардың нақты саны белгісіз.

Наразылық шерулері Қытайдың басқа қалаларында да өтті: Шанхай, Чэнду, Чунцин, Ухань және Нанкин. Жоғары оқу орындарында да наразылық күшейіп жатыр, әлеуметтік желілерде наразылық акциялары бейнеленген видеолар толып кетті.

Қытай билігі коронавирусқа нөлдік төзімділік деп аталатын саясатты ұстанып отыр. Қалалар, бүкіл аудандар жабылды, жұқтырғандармен байланыста болған адамдар мәжбүрлі түрде карантинге алынды, жұқтырғандар ауруханаларда оқшауланды, елдің шекаралары жабық.

Наразылықтар Шыңжаң-Ұйғыр автономиялық ауданындағы Үрімші қаласындағы тұрғын үйдегі өрттен кейін басталды. 24 қарашада кешкі уақытта болған өрт салдарынан кемінде он адам қаза тауып, тағы тоғыз адам жарақат алған.

Куәгерлердің айтуынша, адамдар өрттен қашып құтыла алмаған, өйткені блокадаға байланысты пәтерлердің есіктері жабылып, шектеу шаралары құтқарушылардың жұмысына кедергі келтірген. Алайда Қытай билігі бұл ақпаратты жоққа шығарған.

Сілтемесіз жаңалық оқисыз ба? Онда Telegram желісінде парақшамызға тіркеліңіз!


Join Telegram