Максим Арышевтың достары Санкт-Петербург метросында ескерткіш тақта орнатады

05 Сәуір 2017, 10:50
0
Максим Арышевтың достары Санкт-Петербург метросында ескерткіш тақта орнатады - © vk.com
© vk.com

Қазақстандық Максим Арышевтың достары қаза тапқан қазақстандыққа Санкт-Петербург метросында ескерткіш тақта орнатып береді, - деп хабарлайды Tengrinews.kz тілшісі. Бұл туралы қаза тапқан студенттің досы Рома Зеделашвили әлеуметтік желілерде жазды.

"Арышев Максим Витальевич. 18.08.1996 - 03.04.17. Тамаша адам еді. Осы уақыт бойы бізге Максимның достары мен жай таныстары жазды. Олар онымен қоштасуға мүмкіндік бар ма және қалай көмектесе алатындарын сұрап жатты. Достар, сіздердің барлығыңызға жауап берейін. Біз сіздердің қолдауларыңызға алғыс айтамыз. 5 сәуірде "Сенная площадь" станциясында сағат 20.00-де ескерткіш тақта орнатылады. Сіздерді сағат 19.45-те күтеміз", - деп жазды қаза тапқан студенттің досы Рома Зеделашвили.

Кеше қазақстандық Максим Арышевтың Санкт-Петербургте болған терактіден қаза тапқаны жайлы хабарланған болатын. ҚР СІМ өкілдері мен Санкт-Петербургтегі қазақстандық дипломаттар Максим Арышевтың туыстарына барынша көмек көрсетеді, сондай-ақ, олар қаза тапқан студенттің денесін отанына жеткізу мәселесіне де көмек береді.

Максим Арышев - Санкт-Петербургтегі Мемлекеттік экономикалық университеттің 3-курс студенті. Ол "Ақпараттық жүйелер мен технологиялар" мамандығы бойынша білім алады. Оқу орнының сайтындағы мәліметтерге қарағанда, оның оқу үлгерімі жақсы. Максим өзі Алматыдан, "Достар" халықаралық мектеп-лицейінде оқыған. "Ол мектепті 2014 жылы бітірді. Сабақты жақсы оқыды. Орта мектепті жақсы бағамен бітірді. Алтын медальға бітірген жоқ, бірақ оқуды жақсы аяқтады. Алаңдататын жағымсыз жағдай болып тұр. Барлығымыз ол үшін алаңдап отырмыз", - деген еді "Достар" халықаралық мектеп-лицейінің меңгерушісі.

Сондай-ақ, қазақстандықтың достары Максим Арышев туралы айтып берген еді.

Осылайша, 3 сәуірде Санкт-Петербург метросында болған жарылыстан кем дегенде 11 адам қаза тапты, зардап шеккендер саны 50-ге жетті. 

Жарылыс метроның екі бекетінде болған - "Сенная площадь" және "Технологический институт". Екі жарылыстан зардап шеккендер арасында балалардың бары да анықталған. Құтқарушылар жолаушыларды эвакуациялады.

Ресейдің Федералды қауіпсіздік бюросының алдын ала нұсқасы бойынща Санкт-Петербург метросында терактіні ұйымдастырған 1995 жылғы Акбаржон Джалилов. Қырғызстан Мемлекеттік ұлттық қауіпсіздік комитеті оның Ош қаласының тумасы екенін растап берді. 


  • Подписаться на канал новостей TengriNews:

  • Google News
  • Yandex News
  • Yandex Zen

Нравится Поделиться
Пікір қалдырыңыз
Оқылып жатыр
Талқыланып жатыр
Бүгін
Апта
Ай