Реклама +7(700) 388 81 09
  1. Басты
  2. Біл
  3. Жаңалықтар
  4. Жаһан

Meta компаниясының өкілі қазақ тілін үйренгісі келетінін айтты 30 қыркүйек 2022, 08:43

Ақпарат және қоғамдық даму министрі Дархан Қыдырәлімен кездескен Meta компаниясының мемлекеттік органдармен байланыс жөніндегі басқарушы директоры
  • ПОДЕЛИТЬСЯ
  • Vkontakte
  • Facebook
  • Twitter
  • Одноклассники
  • Telegram
  • WhatsApp
  • Қате таптыңыз ба?

Фото: © REUTERS Фото: © REUTERS

Ақпарат және қоғамдық даму министрі Дархан Қыдырәлімен кездескен Meta компаниясының мемлекеттік органдармен байланыс жөніндегі басқарушы директоры Джордж Чен Желідегі қазақ тіліне қатысты пікірін айтты, - деп хабарлайды Tengrinews.kz тілшісі.

"Қазақ тілінің маңыздылығын сеземін. Болашақта көп дос табу үшін қазақ тілін үйренемін деп үміттенемін", - деді ол. 

Дархан Қуандықұлы қазақ тілі Қазақстанда ғана емес, әлемнің бірнеше елінде кең қолданысқа ие екенін ескеріп, Instagram желісінің қазақ тіліндегі интерфейсін жасау мәселесін көтерді. "Бұл қолданушылардың Instagram-ды қазақ тілінде пайдалануына мүмкіндік береді", - деді ол.

Соған байланысты Meta family қосымшаларының қазақ тіліндегі интерфейсін жасау және оны жетілдіру қажеттігін атап өтті. "Бұл біздің азаматтар ғана емес, басқа да елдегі қазақтілді қауымның да Facebook пен Instagram қосымшаларын қазақ тілінде қолдануына мүмкіндік береді", - деді министр.

Өз кезегінде Джордж Чен, әсіресе, балаларға арналған онлайн қауіпсіздік саласында ынтымақтаса жұмыс істеуге дайын екенін атап өтті. Сондай-ақ Meta мен Қазақстан Үкіметі түрлі салалардағы өзара іс-әрекет пен әріптестікті нығайта алады деп сенім білдірді. Meta компаниясы Қазақстандағы өкілін тағайындағалы жатқанын мәлімдеді.

Дархан Қыдырәлі Джордж Ченді жуырда өтетін Astana Media Week және Central Asian Media Forumға шақырды. Сондай-ақ министрдің Meta тарапына жергілікті баспасөз хатшылары үшін әлеуметтік медиа бойынша арнайы тренингтер өткізу ұсынысы қолдау тапты. Meta компаниясынан Facebook пен Instagram бойынша кәсіби жаттықтырушылар келеді.

Сонымен бірге тараптар балалар контенті мәселелері бойынша өзара жұмыс істеуге және цифрлық медиасауаттылық туралы арнайы бағдарлама жасауға келісті.

Сілтемесіз жаңалық оқисыз ба? Онда Telegram желісінде парақшамызға тіркеліңіз!


Join Telegram