Tengri FM Радиосы Радио Жұлдыз FM Қазақстан заңдары Экономика сабақтары
KZ RU EN
Бізге жазба жолдау +7 (727) 388 8124
искать через Tengrinews.kz
искать через Google
искать через Yandex
USD / KZT - 332.80
EUR / KZT - 390.57
CNY / KZT - 49.88
RUB / KZT - 5.60

Михаил Саакашвили жұмыс барысына қатысты АҚШ-қа виза алуға әрекет жасауда

20 Қыркүйек 2014, 12:32
0

 Грузияның экс-перзиденті Михаил Саакашвили жұмыс барысына қатысты АҚШ-қа виза алуға ниеттеніп отыр,-деп хабарлайды Washington Post.

 Михаил Саакашвили Нью-Йоркте тұрып жатыр. Қазір ол ғұмырнама естеліктер мен жоғары ақы төленетін  еңбектер жазуда. Болашақта Саакашвили Тафсат университетінде дәріс оқуды жоспарлап отыр.


Грузияның экс-перзиденті өзінің туристік статусын осылайша өзгертуге тырысуда. Ол қазірде кафе-барларға барып, мамыражай өмір кешіп, өзінің жоғарғы қызметтегі достарымен кездесуде. Олардың арасында АҚШ-тың Орталық Барлау басқармасының (ОББ) бұрынғы директоры Дэвид Петрэус пен Францияның экс-президенті Николя Саркози бар.

Саакашвили АҚШ-тағы қымбатшылыққа шағым айтуда. Ол "мен кедей адам емеспін, бірақ мұндағы қымбатшылық шынымен де бармақ тістетеді" дейді.

Өз елінде Михаил Саакашвилиге іздеу жарияланған. Экс-перзидентке  "Грузияның мемлекеттік бюджетінен 5 млн долларды орынсыз жұмсады" деген айып тағылуда. Прокуратура органдарының мәліметінше, бұл қаржы аспаздың қызметіне, массаж жасатуға, шетелдіктер орналастырылған қонақ үй қызметіне ақы төлеуге, Италиядан қайық жалдауға кеткен.  Бұл бап бойынша саясаткерге 11 жылға бас бостандығынан айырылу қаупі төніп тұр.

Бұған қоса Михаил Саакашвилиге - қызмет бабын асыра пайдаланып оппозицияның акцияларын қолды етті және 2007 жылы 7 қарашада елдің парламент депутаты Валерия Гелашвилиді соққыға жықты деген айыптар да  қоса тағылуда. Бұл бап бойынша  қосымша 8 жылға бас бостандығынан айыру қосылады. 
Михаил Саакашвили өткен жылдың қараша айында жаңа перзидетті ұлықтау рәсімі өте салысымен елінен кеткен.  Ол өзіне тағылған айыптардың барлығын "саясаттағы қитұрқы әрекеттер" деп санайды.


Нравится
Поделиться
Пікір қалдырыңыз
Оқылып жатыр
Талқыланып жатыр
Бүгін
Апта
Ай