Мысыр президенті ресейлік А321 апатын теракт деп таныды

24 Ақпан 2016, 22:58
0
Мысыр президенті ресейлік А321 апатын теракт деп таныды - © РИА Новости
© РИА Новости

Мысыр президенті Абдель Фаттах ас-Сиси Синай түбегінде апатқа ұшыраған ресейлік А321 құлау себебін теракт деп таныды. Бұл туралы ол елдің 2030 жылға дейінгі дамуына арналған баяндаманың таныстырылымында мәлімдеді, - деп хабарлайды РИА Новости.

"Терроризмге қарсы іс-қимыл аяқталды ма? Жоқ, әлі аяқталмады. Ұшақты құлатқандар туризмге соққы жасауды ойлады ма? Жоқ, байланыстарға соққы жасағысы келді. Ресеймен байланысқа", - деп келтіреді Мысыр президентінің сөзін AFP. 

Айта кетейік, осыған дейін Мысыр билігі әуе апатын тергеп жатқан комиссияның қорытынды баяндамасын күтуге ниетті екенін мәлімдеген еді, ал әзірше олар оқиғаның барлық нұсқасын қарастырып жатты. 

2015 жылдың желтоқсанында А321 апатын тергеу жөніндегі комиссия баяндаманы жария еткен еді, онда Мысырдың жолаушылар лайнерінің апатқа ұшырау себебі теракт болды деуге дәлелдің таппағанын хабарлаған.

Еске салайық, әуе апаты 2015 жылдың 31 қазанында болған. "Когалымавиа" әуе компаниясының Шарм-эш-Шейхтен Санкт-Петербургке ұшып бара жатып, құлаған Airbus-A321 ұшағының бортында экипаждың жеті мүшесі мен 217 жолаушы болған. Олардың барлығы қаза тапты.


  • Подписаться на канал новостей TengriNews:

  • Google News
  • Yandex News
  • Yandex Zen

Нравится Поделиться
Пікір қалдырыңыз
Оқылып жатыр
Талқыланып жатыр
Бүгін
Апта
Ай