1. Басты
  2. Біл
  3. Жаңалықтар
  4. Жаһан

Навальныйдың бауыры мен серіктесі ұсталды 28 қаңтар 2021, 09:24

Ресейде Алексей Навальныйдың бауыры Олег пен серіктесі Любовь Соболь ұсталды. Олардың ұсталғаны туралы 28 қаңтарда белгілі болды. Қазір екеуі

Ресейде Алексей Навальныйдың бауыры Олег пен серіктесі Любовь Соболь ұсталды. Олардың ұсталғаны туралы 28 қаңтарда белгілі болды. Қазір екеуі де Мәскеудің Петровка көшесінде орналасқан уақытша ұстау изоляторында отыр, деп хабарлайды РИА Новости.

Олег Навальныйдың ұсталғаны туралы "Сыбайлас жемқорлықпен күрес қорының" директоры Иван Жданов хабарлады.

"Олег Навальный ІІМ Мемлекеттік тергеу басқармасында 91-бап бойынша 48 сағатқа ұсталды. Бұл оның қазір іс бойынша күдікті екенін де білдіреді", - деп жазды Жданов Twitter желісінде.

РФ ҚПК-нің 91-бабы - "Күдіктіні ұстау негіздері".

Сыбайлас жемқорлықпен күрес қорының заңгері Любовь Соболь санитарлық-эпидемиологиялық ережелерді бұзу бабы бойынша ұсталды. Бұл туралы оның қорғаушысы Владимир Воронин хабарлады.

"Любовтан түнгі жауап алудан кейін ұстау және Петровка, 38-дегі уақытша ұстау изоляторына қамау жалғасты", - деп жазды Воронин Twitter желісінде.

Ол РФ Қылмыстық кодексінің 1-бабы 236-бөлігі "санитарлық-эпидемиологиялық ережелерді бұзу" бойынша ұсталғанын айтты. Воронин қазір Алексей Навальныйдың інісі Олег көрші кабинетте екенін және одан сұрау алынып жатқанын да атап өтті.

Айта кетейік, ресейлік оппозиция жетекшісі Алексей Навальный Мәскеудегі тергеу изоляторына 30 күнге қамалды, жақында ол сол жерден үндеу жариялады. Бұған дейін Жданов Навальныйдың пәтерлерінде және оның әйелі Юлияға тінту жүргізілгенін, сондай-ақ Жемқорлықпен күрес қорының кеңсесінде тінту жүргізілгенін айтқан. Ждановтың айтуынша, ІІМ барлық іздеуді РФ Қылмыстық кодексінің 236-бабы "санитарлық-эпидемиологиялық ережелерді бұзу" аясында жүргізіп жатыр.

Сілтемесіз жаңалық оқисыз ба? Онда "ВКонтакте" желісінде парақшамызға тіркеліңіз!