Польша АҚШ-тан келген әскерді Украинамен шекараға жақын жерде орналастыруды жоспарлап отыр. Елдің оңтүстік-шығысында АҚШ-тың қосымша күштері орналастырылатыны туралы Польша қорғаныс министрі Мариуш Блащак Қорғаныс министрлігінің Twitter-дегі парақшасында мәлімдеді, - деп хабарлайды Tengrinews.kz тілшісі.
"АҚШ әскерлерінің Польшаға жылдам келуі НАТО-ның шығыс қанатына төнген қауіп-қатерге жақсы жауап береді және одақтастық міндеттемелерге байыпты қатынасты көрсетеді. Әскерилер еліміздің шығыс-оңтүстік бөлігінде әрекет ететін болады", - деді Польша қорғаныс министрлігі.
Minister @mblaszczak: błyskawiczne przybycie wojsk USA 🇺🇸do Polski 🇵🇱stanowi najlepszą odpowiedź na zagrożenia dla wschodniej flanki NATO i świadczy o poważnym traktowaniu zobowiązań sojuszniczych. Żołnierze 🇺🇸 będą operowali we wschodnio-południowej części naszego kraju. pic.twitter.com/Lf29VeaVDk
— Ministerstwo Obrony Narodowej 🇵🇱 (@MON_GOV_PL) February 6, 2022
Жексенбі, 6 ақпанда Ауғанстаннан соңғы шыққан америкалық әскери қызметкер ретінде танылған генерал Кристофер Донаху бастаған АҚШ-тың 82-әуе-десанттық дивизиясының әскерлері Польшаға келгені белгілі болды.
Сілтемесіз жаңалық оқисыз ба? Онда Telegram желісінде парақшамызға тіркеліңіз!
