+7 (777) 001 44 99
ПОДЕЛИТЬСЯ
Қазір қамауда отырған Грузияның бұрынғы президенті Михаил Саакашвили АҚШ-тан көмек сұрады, - деп хабарлайды РИА Новости Bloomberg агенттігіне сілтеме жасап.
Қазір қамауда отырған Грузияның бұрынғы президенті Михаил Саакашвили АҚШ-тан көмек сұрады, - деп хабарлайды РИА Новости Bloomberg агенттігіне сілтеме жасап.
Агенттік мәліметінше, Саакашвилидің 17 қарашада адвокаттары арқылы сұрақтарға "қолмен жазылған" жауаптарын тапсырғанын айтты.
"Егер АҚШ мені қорғауға келмесе, бұл барлық батысшыл көшбасшылар мен халықтар үшін қорқынышты белгі болады", - деп жазды Саакашвили жазбасында.
Сонымен қатар, Грузияның экс-президенті түрмеде оны тұтқындар "мысқылымен" ұрып-соғып, асфальт бойымен сүйрегенін жазды. Саакашвили Грузия билігінің оны азаматтық ауруханаға ауыстырудан, телефонын беруден немесе сот процесіне қатысуға мүмкіндік беруден бас тартқанына да назар аудартты.
Грузияның әділет министрлігі бұрынғы президенттің мәлімдемесіне қатысты түсініктеме бере алмайтынын мәлімдеді.
Еске салайық, Саакашвили 1 қазаннан бастап аштық жариялады. Содан кейін саясаткер азаматтық ауруханаға ауыстырса, аштық жариялауды тоқтатуға дайын екенін айтқан еді.
Саакашвили Грузияда 1 қазанда ұсталды. Бұған дейін Грузияда оны банкир Сандро Гиргвлианиді өлтірді, депутат Валерий Гелашвилиді ұрды деген айыптаулармен сырттай соттады. Бірінші оқиғада Саакашвили үш жылға, екінші жағдайда алты жылға бас бостандығынан айырылды. Сонымен қатар, ол 2007 жылғы 7 қарашадағы оппозициялық митингті тарату, "Имеди" телекомпаниясының бағдарламасы және мемлекеттік бюджеттен қаражат жұмсау туралы істермен айналысты деген күдікке ілінді, бұл істерді сот әлі де қарастырып жатыр.
Грузия билігі Саакашвилиді босатудан бас тартты. Премьер-министр Ираклий Гарибашвили экс-президент ұзақ уақыт түрмеде отыратынын, мерзімін өтейтінін айтты.
Сілтемесіз жаңалық оқисыз ба? Онда Telegram желісінде парақшамызға тіркеліңіз!
