+7 (777) 001 44 99
ПОДЕЛИТЬСЯ
Жапониялықтар жексенбіде Сенат сайлауында басқарушы коалицияға дауыс берді, - деп хабарлайды Tengrinews.kz тілшісі RG.ru сайтына сілтеме жасап.
Жапониялықтар жексенбіде Сенат сайлауында басқарушы коалицияға дауыс берді, - деп хабарлайды Tengrinews.kz тілшісі RG.ru сайтына сілтеме жасап.
NHK қоғамдық телерадиокомпаниясының болжамы бойынша, Абэнің Либералдық-демократиялық партиясы мен оның орталық-оңшыл одақтасы Комейто партиясы 125 орынның 83-іне дейін ие болуы мүмкін еді. Сенатта барлығы 248 орын бар, оның жартысы үш жыл сайын жаңартылады, деп жазды Belga ақпараттық агенттігі. Дауыс беру учаскелерінің жабылуына екі сағат қалғанда сайлаушылардың қатысу көрсеткіші 27,38 пайыз болған, бұл бұрынғы сенаторлық сайлаудан сәл жоғары.
Тұрғындар Абэге оқ атылған жерге гүл шоқтарын әкеліп жатыр. Сурет: ©️ Reuters
Жапонияның қазіргі премьер-министрі Фумио Кисида өзінің бұрынғы тәлімгері Синдзо Абэге жасалған шабуылды айыптап, "демократияның негізі саналатын еркін және әділ сайлауды қорғаудың" маңыздылығын талап етті.
"Біз ешқашан зорлық-зомбылыққа бой алдырмаймыз", - деді ол.
Архипелагтың батысындағы Нара қаласында Жапонияның танымал саясаткерлерінің бірі Абэге қастандық жасалуы елді және әлем жұртшылығын дүр сілкіндірді. Бұрынғы премьер-министрге жасалған шабуыл туралы хабарға байланысты әртүрлі партиялар өз қызметін қысқа уақытқа тоқтатқаннан кейін, сенбіде науқан күшейтілген қауіпсіздікпен жалғасты.
Еске салайық, Синдзо Абэге көшеде сөз сөйлеп тұрған жерінде белгісіз біреу оқ атқаны хабарланған болатын. Қарулы шабуыл жергілікті уақытпен 11.30-да болған (елорда уақытымен 8.30). Оған екі мәрте оқ атылып, саясаткер бірден құлаған. Кейін шабуыл жасаған күдікті анықталды.
Жапонияның бұрынғы премьер-министрі қайтыс болды - БАҚ
Жапонияның бұрынғы премьер-министрі Синдзо Абэнің жерлеу рәсімі 12 шілдеде өтеді.
Сілтемесіз жаңалық оқисыз ба? Онда Telegram желісінде парақшамызға тіркеліңіз!
