Солтүстік Корея сутегі бомбасын сынақтан өткізді

06 Қаңтар 2016, 13:25
0
Солтүстік Корея сутегі бомбасын сынақтан өткізді -

КХДР сутегі бомбасын сынақтан өткізді, - деп хабарлайды РИА Новости. Сынақтан кейін Солтүстік Кореяда техногендік сипаттағы, магнитудасы 4,3-ке тең жер сілкінісі болды.

Басылымның мәліметінше, КХДР сутегі бомбасының сынақтан сәтті өткізілгенін ресми түрде хабарлаған. Олар бұл сынақтың Солтүстік Корея үшін "тарихи оқиға" болғанын айтты. Сонымен қатар, КХДР жаңа қарудың ел егемендігінен айырылған жағдайда ғана қолданылатынын мәлімдеді.

Өз кезегінде Жапонияның премьер-министрі Синдзо Абэ сутегі бомбасының сынақтан өткізілуін қатаң айыптады. "Бұл біздің еліміз үшін үлкен қатер, бұл әрекетті ақтауға болмайды. Мұны қатаң түрде айыптаймын. (...) Бұл БҰҰ Қауіпсіздік кеңесінің қарарын бұзу болып есептеледі", - деді Абэ.

Осыдан кейін БҰҰ Қауіпсіздік кеңесі шұғыл жиын өткізетін хабарлады. Жиналысқа АҚШ пен Жапонияның бастама көтергені айтылды.

Айта кетейік, сутегі бомбасы - үлкен қопарғыш күшке ие қару, оның қуаты атом бомбасынан да күшті. Сутегі бомбасын жару жеңіл ядролардың термоядролық синтезіне негізделген.


  • Подписаться на канал новостей TengriNews:

  • Google News
  • Yandex News
  • Yandex Zen

Нравится Поделиться
Пікір қалдырыңыз
Оқылып жатыр
Талқыланып жатыр
Бүгін
Апта
Ай