Тәжікстан президенті Эмомали Рахмон Қазақстанға мемлекеттік сапармен келеді, - деп хабарлайды Tengrinews.kz тілшісі.
Мемлекет басшысының баспасөз қызметі мәліметінше, Эмомали Рахмонмен бірге Үкімет мүшелері қатарындағы ресми өкілдер, Мемлекеттік мекемелердің, ведомстволардың басшылары мен кәсіпкерлер бар.
Айта кетейік, 3-4 мамырда Астанада Қазақстан мен Тәжікстанның бизнес-форумы өтеді. Бизнес-форумға екі елдің мүдделі мемлекеттік органдарының өкілдері, сондай-ақ екі елдің өнеркәсіп, ауыл шаруашылығы, құрылыс, туризм, логистика және фармацевтика салаларындағы кәсіпкерлері қатысады.
Форумның басты мақсаттарының бірі – кәсіпкерлер арасында іскер серіктестер іздеу және Тәжікстан мен Қазақстан арасындағы сауда-экономикалық ынтымақтастықты кеңейту.
Сілтемесіз жаңалық оқисыз ба? Онда Telegram желісінде парақшамызға тіркеліңіз!
