+7 (777) 001 44 99
ПОДЕЛИТЬСЯ
Өткен тәулікте "Талибан" қозғалысының содырлары (Қазақстан, Ресей, Тәжікстан және басқа да бірқатар елде тыйым салынған радикалды ұйым) Ауғанстанның тоғыз ауданын бақылауға алды. Бұл туралы Ауғанстанның TOLOnews телеарнасы хабарлады, - деп хабарлайды Tengrinews.kz тілшісі.
Өткен тәулікте "Талибан" қозғалысының содырлары (Қазақстан, Ресей, Тәжікстан және басқа да бірқатар елде тыйым салынған радикалды ұйым) Ауғанстанның тоғыз ауданын бақылауға алды. Бұл туралы Ауғанстанның TOLOnews телеарнасы хабарлады, - деп хабарлайды Tengrinews.kz тілшісі.
"Соңғы 24 сағат ішінде тәліптер Бадахшандағы Кофаб, Арго, Кохистан, Зибак, Яван және Бахарак, Кандагардағы Панджвай, Пакиядағы Зерок (Пәкістан шекарасындағы қала. - ескерт.) және Тахардағы Уорсажды (елдің солтүстік-шығысындағы қала, Тәжікстанмен шектеседі. - ескерт.) басып алды", - деп хабарлады телеарна 4 шілдеде ақпарат көздеріне сілтеме жасап.
Sources say 9 districts fell to the Taliban in the last 24 hours.
— TOLOnews (@TOLOnews) July 4, 2021
The districts include Kofab, Argo, Kohistan, Zibak, Yawan and Baharak in Badakhshan, Panjwai in Kandahar, Zerok in Paktika and Worsaj in Takhar. pic.twitter.com/UEUCDNOo2z
Сонымен қатар, Тәжікстанның шекара әскерлерінің баспасөз орталығы РИА Новостиге Ауғанстанның Бадахшан провинциясындағы Хохон уезін тәліптер басып алғаннан кейін 100-ге жуық ауған әскері Тәжікстан аумағына өткенін хабарлады.
"Жексенбіде сағат 18.00-де "Талибан" қозғалысының қарулы тобы ауған Бадахшан провинциясындағы Хохон уезін ұрыссыз басып алды, Ауғанстан Қарулы күштерінің 94 әскери қызметкері шегініп, жеке құрамды сақтау мақсатында Тәжікстанның "Шохон" учаскесінде мемлекеттік шекараны кесіп өтті", - деді ақпарат көзі.
Оның айтуынша, тәжік шекарашылары шегініп жатқан ауған әскеріне аумақтан өтуге рұқсат берген.
© Twitter/TOLOnews
Сенбіде тәжік шекара қызметі "Талибан" Хохон шекара комендатурасын басып алғаннан кейін 300-ден аса ауған шекарашылары Тәжікстанмен мемлекеттік шекараны кесіп өткенін хабарлады.
Ауғанстанда үкіметтік күштердің "Талибан" содырларымен қарама-қайшылығы жүріп жатыр, олар ауылдық жерлердегі маңызды аумақтарды басып алып, ірі қалаларға шабуыл жасады.
Кабулдағы Ресей елшісі Дмитрий Жирновтың айтуынша, АҚШ пен НАТО әскери күштерін Ауғанстаннан шығару кезінде республиканың әскери-саяси картасы айтарлықтай өзгерген. Тәліптер елдің 80 пайызын бақылауға алғандарын айтады. БАҚ мәліметі бойынша, қазіргі уақытта "Талибан" Ауғанстанның 370 ауданының 110-ын бақылауға алған.
Сілтемесіз жаңалық оқисыз ба? Онда Telegram желісінде парақшамызға тіркеліңіз!
