29 қазан 2021 14:40

Трамп Цукербергті қылмыскер деп атады

Жансая Қадыржанова Корреспондент

ПОДЕЛИТЬСЯ

Фото:facebook.com/DonaldTrump Фото:facebook.com/DonaldTrump

АҚШ-тың экс-президенті Дональд Трамп Facebook-тің негізін қалаушы әрі бас директоры Марк Цукербергті президенттік сайлауға араласқан қылмыскер деп айыптады, - деп хабарлайды Tengrinews.kz тілшісі Daily Mail сайтына сілтеме жасап.


АҚШ-тың экс-президенті Дональд Трамп Facebook-тің негізін қалаушы әрі бас директоры Марк Цукербергті президенттік сайлауға араласқан қылмыскер деп айыптады, - деп хабарлайды Tengrinews.kz тілшісі Daily Mail сайтына сілтеме жасап.

Трамп қолдаушыларына Цукерберг пен оның әйелі Присцилла Чанның жергілікті сайлау комиссияларына 400 миллион доллардан аса қайырымдылық жасап, 2020 жылғы президенттік сайлау науқанына әсер еткені туралы хабарлама жолдады.

"Марк Цукерберг менің ойымша, 400 миллион доллардан аса қаражат жұмсап, президенттік сайлаудың бағытын өзгерте алған қылмыскер. Бұл Facebook-ке әсер еткен жоқ", - деді Трамп.

Әңгіме былтыр күзде, АҚШ президентінің сайлауы қарсаңында бөлінген қаражат туралы болып отыр. Марк Цукерберг пен оның жұбайы Присцилла Чан Технологиялар және азаматтық өмір орталығына (CTCL) және Сайлау инновациялары мен зерттеу орталығына (CEIR) 419,5 миллион доллар бөлген.

Қайырымдылық мақсатында деп, CTCL және CEIR жергілікті билік органдарына коронавирустың сайлау учаскелеріне таралуын болдырмау үшін қорғаныс құралдарын алуға, пошта бюллетеньдерін өңдейтін жабдықтарға қаражат бөлген.

CTCL және CEIR партиясыз ұйымдар ретінде тіркелгенімен, The Federalist-те жарияланған талдау ақшаны негізінен, демократиялық округтерде таратқанын көрсетті. Осыдан кейін республикалық Заң тобы тоғыз штатта қайырымдылыққа қарсы сот ісін қозғады. Цукербергтің өзі қаражат заңсыз мақсаттарда пайдаланылатынын жоққа шығарды.

Бұған дейін Трамп елде Twitter және Facebook-ке бойкот жариялауға шақырып, бұл компанияларға, сондай-ақ, олардың басшылары Марк Цукерберг пен Джек Дорсиге қарсы сотқа шағымданатынын мәлімдеген.

Еске салайық, Facebook басшысы Марк Цукерберг пен оның жұбайы Присцилла Чанның бұрынғы қызметкерлері ерлі-зайыпты жыныстық зорлық жасады деп сотқа шағымданған еді.

Сілтемесіз жаңалық оқисыз ба? Онда Telegram желісінде парақшамызға тіркеліңіз!

Читайте также
Join Telegram

Валюта бағамы

 467.21   490.7   5.37 

 

Ауа райы

 

Редакция Жарнама
Социальные сети