Үндістанда аласұрған піл селфиге түсіп жатқан ер адамды таптап кетті 05 қыркүйек 2017, 08:27
Үндістанда аласұрған піл селфиге түсіп жатқан ер адамды таптап кетті, - деп хабарлайды РИА Новости Daily Mail басылымына сілтеме жасап.
Басылым мәліметнше, оқиға Орисса штатындағы паркте болған. Куәгерлердің айтуынша, жергілікті тұрғын пілмен суретке түскісі келіп жақындаған. Ер адам пілдің жанына тым жақын барған, сол себепті де жануар аласұра кеткен.
Видеода піл ер адамның артынан қуалап жүргені көрінеді, адам құлаған кезде, піл оны аяғымен таптай бастайды. Ер адам ауруханаға барар жолда қаза тапты.