1. Басты
  2. Біл
  3. Жаңалықтар
  4. Жаһан

Үндістанның премьер-министрі карантин кезінде тұрғындарды йогамен айналысуға шақырды

Үндістанның премьер-министрі Нарендра Моди COVID-19 пандемиясына байланысты үйінде оқшауланған адамдарды йогамен айналысуға шақырды, - деп хабарлайды Tengrinews.kz тілшісі Қазақстандағы Үндістан елшілігінің баспасөз қызметіне сілтеме жасап.

"Нұр-Сұлтан қаласындағы Үндістан Республикасының елшілігі ҚР Сыртқы істер министрлігіне өзінің ілтипатын білдіреді және Үндістанның премьер-министрі Нарендра Моди мырзаның COVID-19 пандемиясына байланысты үйлерінде оқшауланған адамдарды, дене шынықтыру мен денсаулығын сақтау мақсатында, йогамен айналысып, уақыт өткізуге шақыратын видеосын ұсынады. Видео "Модимен бірге йога жаттығулары" деген атаумен орыс тілінде әзірленген", - делінген елшіліктің хабарламасында.

Айта кетейік, қазір Үндістанда COVID-19 инфекциясының жаппай таралуының алдын алу мақсатында 14 сәуірге дейін жалпыұлттық карантин жарияланған.

Қазақстан жаңалықтары. Соңғы жаңалықтар. Telegram желісінде бізге жазыл!