1. Басты
  2. Біл
  3. Жаңалықтар
  4. Жаһан

Ыстамбұлда эскалатор ер адамды "жұтып" қойған видео жарияланды27 наурыз 2018, 18:07

видеодан үзінді видеодан үзінді

Түркиялық БАҚ Ыстамбұлдағы метроның "Аязага" бекетіндегі оқиғаның видеосын жариялап жатыр. Онда істен шыққан эскалатор ер адамды "жұтып" қойған. 

Оқиға 27 ақпанда болған, алайда БАҚ өкілдерінің қолында видео бір ай өткенде пайда болған. Видеода адамдар істемей тұрған эскалатормен түсіп жатқан кезде, оның кенеттен жүріп кеткені түсірілген. Жолаушылар құлап, ал бір жолаушының аяқ астындағы текпешектер төмен сырғып кетеді. Ер адам екі қолымен ұстағышқа асылып, арпалысқанымен, механизм оны тартып кеткен.  

Ер адамды аппараттың ішінен шығару үшін бір сағат уақыт кеткен. Содан кейін ол ауруханаға жеткізілген. Қазіргі уақытта оның денсаулығына еш қауіп жоқ екені белгілі.