11 ақпан 2021 08:24

Юлия Навальная Ресейден кетіп қалды - БАҚ

ПОДЕЛИТЬСЯ

© instagram/navalny © instagram/navalny

Оппозиционер Алексей Навальныйдың әйелі Юлия Навальная Ресейден Германияға ұшып кетті. Бұл туралы 10 ақпанда "Интерфакс" хабарлады.


Оппозиционер Алексей Навальныйдың әйелі Юлия Навальная Ресейден Германияға ұшып кетті. Бұл туралы 10 ақпанда "Интерфакс" хабарлады.

Басылым мәліметінше, Юлия Навальная Мәскеудің Домодедово әуежайынан Майндағы Франкфурт рейсімен ұшып кеткен. Оның кету себебі әлі белгісіз және өзі бұл туралы пікір білдірмеген.

Германияның министрлер кабинетіндегілер де Навальнаяның Германияға келуі туралы хабарламаларға қатысты түсініктеме берген жоқ.

"Біз мұндай хабарламаларға түсініктеме бермейміз", - деді РИА Новостиге ведомство баспасөз қызметінің өкілі.

Lufthansa компаниясы да жолаушылар туралы ақпарат құпия қалуына сілтеме жасап, хабарламаға қатысты пікір білдірген жоқ.

"Біз жолаушылар тізіміне қатысты ешқашан түсініктеме бермейміз", - деді әуекомпания өкілі РИА Новостиге.

Юлия Навальнаяның адвокаты Вероника Полякова РИА Новостиге оның клиенті Ресейден ұшып кеткенін білмейтінін айтты.

"Мен білмеймін, ол маған хабарламады", - деді Полякова.

Полякова "бұл ақпаратты шындыққа жанаспайды деп санай ма?" деген сұраққа: "Мен олай айтқаным жоқ", - деп жауап берді.

Жолаушылардың бірі РИА Новостиге Майндағы Франкфуртқа келгеннен кейін Навальная әуежайдың транзит аймағында біраз уақыт тұрғанын, ал басқа жолаушылар шекара бақылауынан өткенін айтты.

Сонымен бірге, кейінірек бірнеше жолаушы белгісіз біреулер Навальнаяны әуежайдан шығару үшін басқа жолға алып кеткенін айтты. Басқа мәліметтер белгісіз.

Сондай-ақ, сәрсенбіде Навальныйдың әйелі Германияға келеді дегенді Spiegel басылымы ресми тұлғаларға сілтеме жасап хабарлаған.

17 қаңтарда Алексей Навальный Германиядан Ресейге оралған кезде ұсталды. Германияда ол "Новичок" тобынан уланғаннан кейін емделді. Ол "Ив Роше" ісі бойынша шартты түрде сотталған міндеттемелерін орындамады деп айыпталды. 2 ақпанда Навальныйға осы іс бойынша шартты мерзім нақты мерзімге ауыстырылып, сот үкімімен Навальный екі жыл сегіз айға колонияға қамалды.

Сілтемесіз жаңалық оқисыз ба? Онда "ВКонтакте" желісінде парақшамызға тіркеліңіз!

Читайте также
Join Telegram

Валюта бағамы

 448.12   483   4.85 

 

Ауа райы

 

Редакция Жарнама
Социальные сети