Қазақ балуандары "Еуразия барысы" турнирінде жеңіске жетті

01 Желтоқсан 2016, 20:04
0
Қазақ балуандары "Еуразия барысы" турнирінде жеңіске жетті - © almatysports.kz
© almatysports.kz

Тұңғыш Президент күніне орай ұйымдастырылып жатқан халықаралық "Еуразия барысы" турнирінде Қазақстан құрамасы финалда Моңғолияны 6:2 есебімен жеңді, - деп хабарлайды Тengrinews.kz тілшісі. 

Қазақстан құрамасы жартылай финалда Грузияны 6:2 есебімен жеңіп, финалға шықты, ал олардың қарсыласы Моңғолия құрамасы Украина балуандарын 6:2 есебімен жеңген болатын. 

Сайысқа 8 елден барлығы 130 спортшы қатысты. Турнир жеңімпазына 10 миллион теңге, екінші орынға 6 миллион теңге, ал үшінші орын алған Грузия балуандарына 4 миллион теңге табысталды.

Бұл бәсекеде 55 келіде - Марат Нығыматұллаев, 60 келіде - Ержан Мағауинов, 66 келіде - Бақдәулет Сәбитов, 74 келіде  Aйдос Ғалымов, 82 келіде - Дәулет Пахриддинов, 90 келіде - Айбол Айтбек, 100 келіде - Мұхит Тұрсынов, + 100 келіде - Айбек Нұғымаров ел намысын қорғады.

Еске салайық, 2015 жылы Қазақ хандығының 550 жылдығына арналып ұйымдастырылған "Еуразия барысы" халықаралық турнирінің финалында қазақ балуандары өзбек балуандарын 5:2 есебімен жеңген болатын. 


  • Подписаться на канал новостей TengriNews:

  • Google News
  • Yandex News
  • Yandex Zen

Нравится Поделиться
Пікір қалдырыңыз
Оқылып жатыр
Талқыланып жатыр
Бүгін
Апта
Ай