+7 (777) 001 44 99
ПОДЕЛИТЬСЯ
Оралда грек-рим күресінен спорттық мектеп-интернаттардың оқушылары арасында командалық Қазақстан чемпионаты өтті, - деп хабарлайды Tengrinews.kz ҚР күрес түрлері федерациясының ресми сайтына сілтеме жасап.
Оралда грек-рим күресінен спорттық мектеп-интернаттардың оқушылары арасында командалық Қазақстан чемпионаты өтті, - деп хабарлайды Tengrinews.kz ҚР күрес түрлері федерациясының ресми сайтына сілтеме жасап.
Командалық ел чемпионатында жас балуандар 10 салмақ дәрежесі бойынша белдесті. Ал ұпай санау жүйесі жас балуандардың әр салмақтағы орындарына байланысты есептелді. Осылай, ел біріншілігі қорытындысы бойынша бірінші орынды Солтүстік Қазақстан облысы (Облыстық спорт интернаты) жеңіп алды. СҚО жеткіншектерінің еншісінде – 3 алтын, 2 күміс, 4 қола.
Екінші орынға Астана өрендері (Қажымұқан Мұңайтпасов атындағы республикалық мектеп-интернат) орналасты. Олар 6 медаль (4 алтын, 1 күміс, 1 қола) иеленді.
Үздік үштікті Қарағанды облысының қырандары (Әлия Молдағұлова атындағы облыстық мектеп-интернат) түйіндеді. Оларға бұйырғаны да – 6 жүлде (2 күміс және 4 қола).
Жалпы, жас балуандар арасындағы командалық ел чемпионатына 14 команда (12 облыс және Астана, Алматы қалаларының жеткіншектері) қатысты. Өкінішке қарай, әзірше белгісіз себептермен Оралға күрес түрлерінен тарихы да, шежіресі де бай Алматы және Шығыс Қазақстан облысының жас таланттары келе алмады.
