Tengri FM Радиосы Радио Жұлдыз FM Қазақстан заңдары Экономика сабақтары
KZ RU EN
Бізге жазба жолдау +7 (727) 388 8124
искать через Tengrinews.kz
искать через Google
искать через Yandex
USD / KZT - 332.80
EUR / KZT - 390.57
CNY / KZT - 49.88
RUB / KZT - 5.60

Алматы жұртшылығы белгілі ғалым Тұрсынбек Кәкішевті соңғы сапарға шығарып салды

09 Қыркүйек 2015, 16:24
0
© Massaget.kz
© Massaget.kz

Бүгін Алматы жұртшылығы, әл-Фараби атындағы ҚазҰУ-дың басшылығы мен студенттері белгілі ғалым, әдебиетші Тұрсынбек Кәкішевті соңғы сапарға шығарып салды. Қаралы жиынға Алматы қаласының әкімі Бауыржан Байбек келіп, ғалымның отбасы мен туған-туыстарына көңіл айтты, - деп жазады Massaget.kz.

89 жасқа қараған шағында дүниеден озған Тұрсынбек Кәкішевті соңғы сапарға шығарып салу шарасы ҚазҰУ қалашығындағы Өмірбек Жолдасбеков атындағы студенттер сарайында өтті. Қаралы жиынға жиналған жұртшылық алдында ҚазҰУ ректоры Ғалымқайыр Мұтанов көңіл айтып, ғалымның еңбек жолындағы жетістіктерін тілге тиек етті. Халыққа премьер-министр Кәрім Мәсімовтің көңіл айту хабарын жеткізді. Өз кезегінде Алматы қаласының әкімі Бауыржан Байбек те Тұрсынбек Кәкішевтің отбасы мен туған-туыстарына көңіл айтып, әдебиетші ғалымның артта қалдырған телегей теңіз мұрасының келер ұрпақ үшін маңызы жоғары екенін жеткізді. Ақын, Қазақстан Жазушылар одағы қоғамдық бірлестігінің төрағасы Нұрлан Оразалин Тұрсынбек Кәкішев зерттеулерінің шоқтығы биік екенін айтып, Сәкен Сейфуллинді танытқан бірден-бір тұлға ретінде бағалады. Ал белгілі ақындар Марфуға Айтхожина мен Ғалым Жайлыбай әдебиетші ғалымның рухына арнап өлең оқыды. Әдебиетші ғалыммен 50 жыл әріптес атанып, бірге қызмет атқарған филология ғылымдарының докторы, профессор Бейсенғали Зейнол-Ғабден Қабиұлы да арқасүйер ақылшы ағасынан көп сабақ алғанын айтты. 

Қаралы жұрт Тұрсынбек Кәкішевті соңғы сапарға аттандырып, "жатқан жері жайлы, топырағы торқа болсын" деп бет сипады. Марқұмға "Кеңсай" зиратында, қазақтың тау тұлғалары жатқан ортадан топырақ бұйырды.

Айта кетейік, Тұрсынбек Кәкішев дүйсенбі күні 89 жасқа қараған шағында дүниеден озған еді. Қазақ әдеби сынының даму жолдары, ХХ ғасырдағы қазақ әдебиетінің, оның көрнекті өкілдерінің шығармашылықтары хақында ғылыми ізденістер жасап, өнімді еңбек еткен ғалымның артында мол мұрасы қалды. 


Нравится
Поделиться
Пікір қалдырыңыз
Оқылып жатыр
Талқыланып жатыр
Бүгін
Апта
Ай