Tengri FM Радиосы Радио Жұлдыз FM Қазақстан заңдары Экономика сабақтары
KZ RU EN
Бізге жазба жолдау +7 (727) 388 8124
искать через Tengrinews.kz
искать через Google
искать через Yandex
USD / KZT - 332.58
EUR / KZT - 390.38
CNY / KZT - 49.85
RUB / KZT - 5.63

Жүсіпбек Аймауытов Ваганьково зиратында жерленген болуы мүмкін

16 Шілде 2014, 16:50
0
Жүсіпбек Аймауытов. ©Аdiletgazeti.kz
Жүсіпбек Аймауытов. ©Аdiletgazeti.kz

Қазақтың көрнекті жазушысы, драматург, қазақ әдебиетін қалыптастырушылардың бірі, Алаш арысы Жүсіпбек Аймауытов Мәскеудегі Ваганьково зиратындағы ортақ қабірге жерленуі мүмкін, - деп хабарлайды Tengrinews.kz тілшісі Павлодар облысы әкімінің баспасөз қызметіне сілтеме жасап.

Бұл туралы Ресей федералдық қауіпсіздік қызметінің Павлодардың мұрағат қызметкерлеріне қайтарған жауабында айтылады.

Әкімдіктің мәліметінше, саяси қуғын-сүргінге ұшыраған Жүсіпбек Аймауытовтың жерленген жері беймәлім болып келді. "РФ ФҚҚ-ның ресми жауабына қарағанда, ол мемлекеттік саясат бөлімі алқасының шешімімен ең жоғары жазаға кесілген, ол 1930 жылдың 21 сәуірінде орындалған. Осы хатта Жүсіпбек Аймауытовтың Мәскеудегі Ваганьково зиратында ортақ қабірге жерленді деуге негіз бар екені көрсетіледі", - дейді облыс әкімінің баспасөз хатшысы Асқар Жалдинов. "Мұрағат құжаттарында атақты қазақ классигінің қуғын-сүргінге ұшырағаны және 1930 жылы атылғаны айтылады. Ал сүйегінің қай жерде жатқанын ешкім ешқашан анықтаған емес", - дейді ол.

2014 жылы Жүсіпбек Аймауытовтың туғанына 125 жыл толғанын айта кету керек. Алдағы күзде Павлодардағы Аймауытов атындағы драма театрдың алдында оның ескерткіші қойылады. Сонымен бірге, Асқар Жалдинов дарынды жазушының жерленген жеріне құлыптас орнатылатынын хабарлады. "Қазір бұл мәселе Қазақстанның Ресейдегі елшілігімен бірге қарастырылып жатыр, бұл жұмысқа Мәскеудегі қазақтар қоғамдастығын да жұмылдырамыз", - дейді Жалдинов. Павлодар облысының әкімдігі драматургтың ұрпақтары мен зиялы қауым өкілдері үшін Аймауытовтың басына сапар ұйымдастыруды жоспарлап отыр.


Нравится
Поделиться
Пікір қалдырыңыз
Оқылып жатыр
Талқыланып жатыр
Бүгін
Апта
Ай