Альварес пен Головкин жұдырықтасқан жағдайдағы гонорарлары есептелді

24 Мамыр 2016, 09:32
0
Альварес пен Головкин жұдырықтасқан жағдайдағы гонорарлары есептелді - © ВКонтакте/"Геннадий GGG Головкин"
© ВКонтакте/"Геннадий GGG Головкин"

БАҚ қазақстандық Геннадий Головкин мен мексикалық Сауль "Канело" Альварестің арасында жекпе-жек өтсе, гонорарларының қалай үлестірілуі мүмкін екенін айтты, - деп хабарлайды Vesti.kz

LA Times мәліметінше, мексикалық сәтті келісімшарт жасалса гонорардың 55 пайызын, ал қазақстандық 45 пайызын алар еді. Айта кетейік, Головкин мен Альварестің командалары 24 мамырға дейін келісімге келуі керек болатын, бірақ мексикалық орта салмақтағы WBC белбеуінен бас тартты.

Boxingnews24.com басылымының хабарына қарағанда, Альварес титулдан бас тартқанда бұл сандар өзгеруі мүмкін. "Golden Boy мен "Канело" Головкинмен жұдырықтасқысы келе ме, жоқ па - оны да білмейміз. "Канело" титулды қазақстандықпен жұдырықтаспау үшін бере салды дейтіндер көп. Біз енді Golden Boy мен "Канелоның" Головкинмен келесі айда қаншалықты жұдырықтасқысы келетінін анықтаймыз", - деп жазады басылым.

Еске салайық, Альварес титулдан бас тартқаннан кейін, Головкин кәсіпқой бокста титулы ең көп боксшы атанды. Ол енді ағылшын боксшысы, жеңіліп көрмеген Билли Джо Сондерстің WBO белбеуін жеңіп алуы керек.

Головкиннің келесі жекпе-жегі қыркүйекте өтеді, алайда қарсыласы әзірше белгісіз. Таяуда GGG қарсыласын жанкүйерлеріне таңдатқан еді.


  • Подписаться на канал новостей TengriNews:

  • Google News
  • Yandex News
  • Yandex Zen

Нравится Поделиться
Пікір қалдырыңыз
Оқылып жатыр
Талқыланып жатыр
Бүгін
Апта
Ай