Бокс әлеміндегі сенсация: Жанат Жақиянов америкалықтың белбеуін тартып алды

11 Ақпан 2017, 10:38
0
Бокс әлеміндегі сенсация: Жанат Жақиянов америкалықтың белбеуін тартып алды -

Жаңа ғана Американың Толедо қаласында WBA (Super) және IBO тұжырымдары бойынша қазақстандық кәсіпқой боксшы Жанат Жақиянов пен америкалық Роуши Уоррен әлем чемпионы титулы үшін таласты. 12 раундтан тұрған кездесу қазақстандықтардың жеңісімен аяқталды, - деп хабарлайды Vesti.kz.

Бірақ отандасымыз жекпе-жекті сәтсіз бастады. Ол алғашқы раундта екі рет нокдаунға түсті. Ал қалған раундтарда ZZ (Жақияновтың рингтегі лақап есімі ) қарсыласын біраз соққыға жықты. Судьяның шешімімен есеп 111-115/115-111/116-110 болды.

Айта кетейік, жекпе-жектің мұндай нәтижесі комментатор мен көрермендермен қатар, жеңімпаздың өзі мен бапкеріне - Рикки Хаттонға күтпеген жағдай болды. Осыған дейін сарапшылар қазақстандық тарап жеңіліске ұшырайды деп айтқан екен.

"Профи Бокс Казахстана" басылымының мәліметінше, қазақстандық боксшымыздың қаламақысы - 30 мың доллар. Ал Уоррен болса осы жекпе-жекке 150 мың доллар қойған екен.

Еске сала кетейік, 9 ақпанда Жанат Жақиянов және Роуши Уоррен жекпе-жек алдында көз арбасқан болатын. 


  • Подписаться на канал новостей TengriNews:

  • Google News
  • Yandex News
  • Yandex Zen

Нравится Поделиться
Пікір қалдырыңыз
Оқылып жатыр
Талқыланып жатыр
Бүгін
Апта
Ай