Белгілі америкалық журналсит және инсайдер Майк Коппинджер мәлімет көзіне сілтеме жасап, қазақстандық Геннадий Головкин (39-1-1, 35 КО) мен орта алмақта WBC, WBA (Super) және IBF чемпионы мексикалық Сауль "Канело" Альварес (52-1-2, 35 КО) арасындағы үшінші жекпе-жек келесі жылы өтетінін айтады, - деп Vesti.kz хабарлайды .
Оның сөзінше, DAZN алдымен Альварес пен жартылай ауыр салмақта WBO чемпионы Сергей Ковалев (33-3-1, 28 КО) арасындағы жекпе-жектен табыс көрмек.
"DAZN жазылушылар санын арттыратын боксшыларды біледі, Сергей Ковалев солардың бірі. "Канело" титул үшін 175 фунтта жұдырықтасатынын қоса алыңыз, осыдан кейін супер жекпе-жек дайын.
Мәлімет көздерінің сөзінше, Ковалев күзде "Канеломен" жекпе-жекке бірінші кезекте тұр, Головкин мен Каллум Смиттің алдында. "Канело" - Ковалев кездесуі DAZN-ге тағы бір ауыр жекпе-жек береді. Жоспар іске асса, Головкин - Альварес DAZN-де 20 мамырда жұдырықтасады", - деп жазыпты Коппинджер твиттер желісінде.
